Ininang 5:3 - Manobo Sarangani

³ Nayan, minikagi si Pedro, “Pigbayà-bayà ka i Satanas. Ibeg no peden megkebolalaw ka diyà te Espiritu Santo. Kenà nini se kedakel te keelagà te tanà imbeligyà nikaw.

Ininang 5:3 ပူးပေါင်းရင်းမြစ်များ

Mat. 13:19

Se benì nesabog diyà te dalan, yan se iling te otaw domineg tepad te peglowan te Timanem meneng eked sikandin pekelabet. Penga niyan, doen inangen i Satanas amon kelibelan din se kagi te Timanem dinineg din.

Luc. 22:3

Penga niyan, dimateng si Satanas diyà ki Judas Iscariote. Sikandin se sebad diyà te sempolò teg dowa tinoledaan i Jesus.

Juan 13:2

Kimaen dan te iyambong. Kidoen heman si Judas Iscariote, batà i Simon, tapay binoyo i Satanas amon megtolok ki Jesus.

Juan 13:27

Penga te pegkinawà i Judas te pan, dimateng si Satanas diyà kandin. Minikagi si Jesus, “Eyasi se inangen nikaw.”

Ininang 5:2

Meneng migsebad se pedowan dan migtameng te ketengà te kwarta. Inibing i Ananias se samà diyà te menge sogounun i Cristo aw migpelingo-lingo te tinigkan din imbegay se kwarta.

Ininang 5:4

Te wedà no pa pemeligyai se tanà, kamno pa iyan. Penga te pegpemeligyà no kenyan, kamno pa heman se kwarta. Wedad migleges kamno te pegpemegay no te kwarta. Meneng medaet den se aneng-aneng nikaw. Eden no aw olò otaw se pigkebolelawan nikaw, meneng Timanem se pigkebolelawan nikaw.”

Ininang 5:9

Minikagi si Pedro, “Medaet se pegsebad te pedowan niyo amon megtandà kaw te Espiritu Santo. Kidoen den te lowà se menge otaw miglebeng gina te esawa nikaw. Kelelangen ka dan heman amon ilebeng.”

Santiago 4:7

Yan mèpiya aw megpesakop kidon diyà te Timanem amon doen tabang din kenitadon. Aw etowan niyo si Satanas, komadas sikandin lekat kenyo.

1 Pedro 5:8

Peg-ahà kaw. Keilangan megpeketagad kaw, so egpengemahà se poon tadon si Satanas te otaw pegbàtan din, iling te liyon binallos gayed egpengemahà te okadan niyan aw kànen.