Ininang 5:26 - Manobo Sarangani

²⁶ Penga niyan, dimoton se polis aw kapitan dan amon mangay dan te sogounun i Cristo. Wedà pegleges se polis kandan so nelemitan dan aw bontogan dan te menge otaw te bato.

Ininang 5:26 ပူးပေါင်းရင်းမြစ်များ

Ininang 5:13

Doen menge doma otaw wedà akop diyà te otaw egpemenal tandà te ketalaw dan, meneng dimuyun dan te menge otaw egpemenal.

Ininang 4:21

Meneng labi pa miglamit se menge obanen te simbahan kandan aw migpelowà dan kandan, so wedà dan ketegahi aw eden se ipelumun dan kandan, so dimuyun se kedita te otaw te Timanem te pegkegolì te otaw kapig.

Ininang 5:24

Mondà netaga-taga se menge pengolo te simbahan aw kapitan te polis egtonggò te dakel simbahan, ontò migkebulung se aneng-aneng dan aw kenan den se menge sogounun i Cristo.

Luc. 22:2

Gayed mig-aneng-aneng se menge pengolo te simbahan aw menenoladà te punù aw eden se inangen dan amon imetayan dan si Jesus te eked dan keopali te kedita te otaw gayed egpenenalan kandin.

Luc. 20:19

Na, se menge menenoladà te punù aw pengolo te simbahan, netegahan dan te sikandan se nesogatan te tegdeyanan sìyan in-indan i Jesus, aw yan se doun te ibeg dan megdakep peden kandin te aldaw sìyan. Meneng wedà dan peketoman, so nelemitan dan te menge otaw gayed egpenenalan kandin aw domapit dan kandin.

Luc. 20:6

Meneng simpana tomaba kidon te olò otaw se simogò ki Juan, bontogan kidon te kedita te otaw te bato lamig matay kidon, so nenamay dan mig-aneng-aneng te ontò telekeliwat te kagi te Timanem si Juan.”

Mat. 26:5

Minikagi dan, “Keilangan eked kidon pegdakep kandin dalem te pista, amon eked pegsamok se kedita te otaw.”

Mat. 21:26

Meneng simpana tomaba kidon te olò otaw se simogò ki Juan, keopalan kidon te kedita te otaw netipon, so eg-aneng-aneng dan te ontò telekeliwat te kagi te Timanem si Juan.”

Mat. 14:5

Ibeg i Herod ipeimatay din si Juan, meneng wedà deleg, so nelemitan sikandin te meopal se kedita te otaw kandin, so eg-aneng-aneng dan te si Juan se ontò telekeliwat te kagi te Timanem.

Mat. 26:58

Timelokon heman si Pedro, meneng migpekediyò lamig dimateng sikandin doton te dowangen te balay te ontò pengolo te simbahan. Pegdateng din doton te balay, nenenoo si Pedro doma te menge otaw migtonggò te dakel simbahan, amon ketegahan din aw eden se meinang ki Jesus.

Luc. 22:4

Dimoton si Judas te menge pengolo te simbahan aw menge kapitan te otaw egtonggò te dakel simbahan te Jerusalem. Migpebelaw-belaway dan tepad te pegtolok din ki Jesus amon dekepen dan.

Ininang 5:22

Meneng pegdateng te otaw insogò doton te keleboso, wedad den dan kidoen. Penga niyan, limikò dan doton te menge obanen netipon aw minikagi dan,

Ininang 5:25

Penga niyan, dimateng se sebad otaw kidoen kandan. Minikagi sikandin, “Se menge otaw kineleboso niyo gebenini, kidoen den dan te dakel simbahan aw migtoladà dan.”