Ininang 5:21 - Manobo Sarangani

²¹ Peglibtak te aldaw, minawop se menge sogounun i Cristo doton te dakel simbahan aw todà dan migtoladà. Dalem niyan, migtipon se ontò pengolo te simbahan, aw menge otaw neketetondog kandin, aw kedita te doma obanen te simbahan. Impeangay dan se sogounun i Cristo lekat te keleboso.

Ininang 5:21 ပူးပေါင်းရင်းမြစ်များ

Juan 8:2

Keeldawan niyan te peglibtak te aldaw, limikò si Jesus doton te dakel simbahan. Pegketipon te kedita te otaw, nenenoo sikandin aw migtoladà kandan.

Ininang 22:15

Ibeg din, meg-indan ka diyà te kedita te otaw te kinità no aw dinineg nikaw.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Ininang 5:34

Meneng doen sebad Parisiyo egtoladà te punù ingkeliwat i Moises si Gamaliel. Egsegmanen sikandin te menge doma otaw. Timindeg sikandin amon mikagi, meneng onà din impelowà se menge sogounun i Cristo dalem te peg-ikagi din.

Ininang 5:27

Peg-ibing dan kandan doton te menge obanen netipon, minikagi se ontò pengolo te simbahan,

Ininang 5:17

Nayan, ontò neopal se ontò pengolo te simbahan aw menge otaw ketondog kandin, yan se menge Sadusiyo. Miningà dan te menge sogounun i Cristo aw

Juan 18:35

Timaba si Pilato, “Kenà a Judiyo. Meneng menge doma no Judiyo aw menge pengolo te simbahan niyo se nengibing kamno dini kanak. Indani a aw eden se salà ininang nikaw.”

Luc. 22:66

Nayan, peglibtak te aldaw sìyan, netipon se kedita te obanen te Judiyo, aw menge pengolo te simbahan, aw menenoladà te punù ingkeliwat i Moises. Impeangay dan si Jesus, aw minikagi dan,

Mat. 5:22

Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.

Ininang 22:5

Netegahan iyan te ontò pengolo te simbahan aw kedita te menge obanen, so sikandan se simolat diyà te doma dan doton te Damasko te mepakay aw domoton a amon dekepen ko se menge otaw nemenal ki Jesus, so ibeg ko ibingen ko dan dini te Jerusalem amon ipelumun.