Ininang 5:19 - Manobo Sarangani

¹⁹ Meneng pegkedelem niyan, inowang te anghil te Timanem se tetakep te keleboso aw impelowà din dan. Doen impunù din kandan, kagi din,

Ininang 5:19 ပူးပေါင်းရင်းမြစ်များ

Ininang 16:26

Pegketà miglinog ontò magsen, aw ontò nekayong se keleboso. Neowang se kedita te tetakep niyan, aw nelebad se sengkalì in-iket te menge otaw kineleboso.

Ininang 27:23

So tengà te delem, doen anghil migpekità diyà kanak insogò te Timanem egsimbahen ko aw migsakop kanak.

Ininang 8:26

Migpekità se anghil te Timanem diyà ki Felipe. Minikagi sikandin, “Doton ka te dalan lekat te Jerusalem pesalo doton te Gasa. Yan se dalan kidoen te kebigtilan.”

Mat. 1:20

Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.

Luc. 1:11

Peg-awop din amon menonog, doen anghil insogò te Timanem migpekità diyà kandin doton te sonoganan te metinadeg lenged te kowanan.

Mat. 1:24

Pegkeloka i Jose, timolò sikandin te impunù te anghil te Timanem kandin, aw minipid sikandin ki Maria.

Mat. 2:13

Nayan, penga te pegkesayo dan, doen anghil insogò te Timanem migpekità diyà ki Jose pineokit te tegeinep, aw minikagi, “Enaw ka. Ibingi se batà aw inay din, aw kadas kaw doton te Ehipto. Peg-ogpà kaw doton lamig te ipeolì ko sikiyo, so doen sondalo isogò i Herod amon mengemahà te batà seini aw imetayan.”

Mat. 2:19

Nayan, penga te pegkematay i Herod, doen anghil insogò te Timanem migpekità diyà ki Jose doton te Ehipto pineokit te tegeinep. Minikagi se anghil,

Mat. 28:2

Te wedà dan pa dateng doton, ontò miglinog, so doen anghil te Timanem dimateng lekat te langit, aw nengelid te bato insampeng te lebeng, aw nenenoo sikandin kidoen.

Luc. 2:9

Pegketà migpekità se anghil insogò te Pengolo diyà kandan, aw doen minanyag diyà kandan lekat te Pengolo. Ontò dan nelemitan.

Ininang 10:3

Menge alas tris te meapon, doen kinità din ontò melowa. Migpekità diyà kandin se anghil te Timanem aw minikagi, “E Cornelio.”

Ininang 12:23

Pegketà impelumun sikandin te anghil te Timanem, so wedà din segdahi se pegduyun dan kandin. Penga niyan, kinaen sikandin te sapat aw yan nematay.