Ininang 5:16 - Manobo Sarangani

¹⁶ Dimoton te Jerusalem se medita otaw tikedo te menge doma lonsod medapag kidoen. Nengibing dan te menge otaw doen mesakit aw doma otaw pigdetengan te bosaw. Negolian se kedita te otaw nesekitan, aw impelowà se bosaw lekat te doma.

Ininang 5:16 ပူးပေါင်းရင်းမြစ်များ

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.

Ininang 4:30

Pekitai se ketolos nikaw, aw pegolii se menge otaw doen mesakit. Pekitai se kepelahan aw doma inang no metolos pineokit te ngadan te insogò no si Jesus.”

Juan 14:12

“Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Luc. 9:11

Meneng pegketaga-taga te kedita te otaw te dinotonan i Jesus, timelokon dan heman. Neluba si Jesus so nengemahà dan kandin. Penga niyan, mig-indan si Jesus diyà kandan tepad te peglowan te Timanem. Migpegolì heman sikandin te kedita te otaw doen mesakit.

Luc. 5:17

Nayan, pegtoladà i Jesus, nenenalan kandin se menge Parisiyo, aw doen heman menge menenoladà te punù ingkeliwat i Moises. Lekat dan te medita ogpeanan kidoen te probinsya te Galiliya aw Judiya, aw lekat te lonsod te Jerusalem. Doen tolos i Jesus lekat te Timanem amon megpegolì te menge otaw doen mesakit.

Mat. 8:16

Pegsallep te aldaw, inibing dan doton ki Jesus se medita otaw dinetengan te bosaw, aw impelowà din se bosaw lekat kandan pineokit te kagi din. Pinegolian din heman se kedita te otaw doen mesakit.

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

1 Korinto 12:9

Se doma otaw, doen imbegay te Espiritu Santo kandin dakel pegsalig diyà te Timanem amon meketabang te doma otaw. Se doma, doen imbegay te Espiritu Santo kandin kebiyasa megpegolì te menge kemolò te mesakit.

Mat. 2:16

Nayan, pegketaga-taga i Herod te inekalan sikandin te menge otaw biyasa tepad te pengilala te bitoen, ontò sikandin neopal so wedà dan likò doton kandin. Yan insogò din se menge sondalo doton te lonsod te Bitlihim aw menge ogpeanan medapag kidoen amon imetayan dan se kedita te batà meama lekat te kaling timebaw lamig te didowa se omay, so yan se kenamay netegahan din lekat te in-indan te menge otaw biyasa tepad te pengilala te bitoen.

Ininang 5:15

So doen kepelahan ininang te menge sogounun i Cristo, inibing te doma se otaw doen mesakit doton te lowà te menge balay. Insawol dan se kama aw ikam te otaw doen mesakit doton dapag te dalan amon keelongan dan i Pedro so ibeg dan kegolian.

Ininang 5:17

Nayan, ontò neopal se ontò pengolo te simbahan aw menge otaw ketondog kandin, yan se menge Sadusiyo. Miningà dan te menge sogounun i Cristo aw

Luc. 6:18

Dimoton heman kandin se otaw dinetengan te bosaw aw migkèpiya dan.