Ininang 5:12 - Manobo Sarangani

¹² Medita se kepelahan ininang te menge sogounun i Cristo kinità te doma otaw. Gayed egketipon se otaw egpemenal doton te balkon te simbahan iningedanan Balkon i Solomon.

Ininang 5:12 ပူးပေါင်းရင်းမြစ်များ

Ininang 19:11

Egtabang se Timanem ki Pablo, aw ininang din se kepelahan,

2 Korinto 12:12

Peg-ogpà ko kidoen kenyo kedengan, kinità niyo te benal a sogounun i Cristo pineokit te menge inang ko. Melayat se pedowan ko kenyo, aw kinità niyo se menge pengilala ininang ko, aw menge kepelahan, aw menge inang metolos.

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

Ininang 14:3

Nenamay mig-ogpà si Pablo aw si Bernabe kidoen. Wedà dan pegketalaw te pegtoladà tepad te keido te Pengolo, aw migtabang heman se Pengolo kandan, aw mig-inang dan heman te kepelahan amon metaga-taga se menge otaw te benal se intoladà dan.

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Ininang 3:11

Kidoen si Pedro aw si Juan te sebad balkon te dakel simbahan iningedanan Balkon i Solomon. Inewidan dan te otaw negolian tandà te luba din. Netipon se kedita te otaw kidoen kandan so nepela dan.

Juan 10:23

Yan se pengodan, aw minipanaw si Jesus kidoen te balkon te dakel simbahan iningedanan Balkon i Solomon.

Ininang 4:30

Pekitai se ketolos nikaw, aw pegolii se menge otaw doen mesakit. Pekitai se kepelahan aw doma inang no metolos pineokit te ngadan te insogò no si Jesus.”

Ininang 1:14

Melikit dan netipon aw migsebad se pedowan te kedita dan migtawal-tawal diyà te Timanem. Netipon heman kidoen se menge bayi, aw menge kedowa i Jesus, aw inay din si Maria.

Mar. 16:20

Penga niyan, nesayo se menge tinoledaan i Jesus lekat te Jerusalem aw migtoladà dan kidoen te kebelad te keneyonan, pengkey kenan dan pesalo. Tinebangan dan heman te Pengolo, so impetaga-taga din te benal se intoladà dan pineokit te menge pengilala ininang dan.]

Ininang 16:18

Yan se eg-inangen din te kelikit te aldaw. Sagwa wedà peketayod si Pablo, yan siminalo kandin aw minikagi diyà te bosaw, “Insogò a i Jesu Cristo, aw yan mikagi a kamno, lowà ka diyà kandin.” Pegketà limowà se bosaw diyà kandin.

Ininang 9:40

Meneng impelowà i Pedro se kedita dan kidoen. Limongken si Pedro aw migtawal-tawal diyà te Timanem. Penga niyan, minasdang diyà te lawa te nematay aw minikagi, “E Tabita, enaw ka.” Penga niyan, gimimata si Dorcas. Pegkità din ki Pedro, minenaw.

Ininang 9:33

Doen otaw kinità din si Eneas kenà egpekeiwal te walo se omay.

Ininang 2:46

Kelikit te aldaw, netipon se kedita dan doton te dakel simbahan te Jerusalem, aw migbelà-belà dan te pan doton te kandan balay. Neluba se pedowan dan te pegsebad dan pegpengaen.

Juan 4:48

Minikagi si Jesus, “Aw wedad pengilala aw kepelahan kitaen niyo, eked kaw pemenal kanak.”

Ininang 28:9

Pegketaga-taga te menge doma otaw, kimidoen se kedita dan doen mesakit, aw negolian dan heman.