Ininang 4:34 - Manobo Sarangani

^34-35 Yan wedad puluk te kànen aw kedònan dan, so imbeligyà te menge otaw se tanà dan aw balay, aw imbegay dan se kwarta diyà te menge sogounun i Cristo. Inteped dan iyan diyà te menge doma otaw nelimahan.

Ininang 4:34 ပူးပေါင်းရင်းမြစ်များ

Ininang 2:45

aw imbeligyà dan se kedònan amon doen kwarta ibegay dan diyà te doma otaw tepad te kelimahan dan.

Luc. 16:9

Minikagi heman si Jesus, “Seini se punù ko diyà kenyo. Tebangi niyo se menge doma otaw te kwarta niyo dini te keneyonan. Yan aw meamin iyan, ipeogpà kaw te Timanem doton te langit aw matay kaw.

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Luc. 22:35

Nayan, minikagi si Jesus diyà te menge tinoledaan din, kagi din, “Kedengan, insogò ko sikiyo megtoladà, meneng doen impunù ko te wedad kedònan ibingen niyo, pengkey kwarta aw kelepì, aw sepatos ekasan niyo. Indani a niyo. Nelimahan kaw lay so wedad kedònan niyo?” Timaba dan, “Wedà kay palos kelimahi.”

Mar. 10:21

Timengteng si Jesus diyà kandin, aw dakel se pedowan din kandin. Minikagi sikandin, “Sebad mendad se keilangan inangen nikaw. Olì ka den aw beligyai se kedakel te kedònan no, aw begayi se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegpemegay no te kedakel niyan, likò ka dini aw taking ka kanak.”

Mat. 19:21

Minikagi si Jesus, “Aw meibeg ka te ontò melobos se pedowan no diyà te Timanem, olì ka den aw beligyai se kedakel te kedònan no, aw begayi se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegpemegay no te kedakel niyan, likò ka dini aw taking ka kanak.”

1 Timoteo 6:19

Aw yan se inangen dan, metipon se ontong ibegay kandan doton te langit te modi aldaw, amon kinewaen dan se ontò benal pedowan wedad temanan.

Ininang 4:37

Imbeligyà din se tanà din aw imbegay din se kwarta diyà te menge sogounun i Cristo.

Santiago 1:27

Meneng se otaw ontò egtaking te Timanem Amay, yan se otaw egpenabang te menge doma otaw nelimahan, pengkey menilo aw bayi balo. Kenà heman eg-iling te medaet ketanem te otaw dini te keneyonan.

1 Tesalonika 4:12

Aw yan se inangen niyo, segmanen kaw te menge doma otaw, pengkey wedà dan pa pemenal, aw yan wedad heman keilangan te pegpemoyò niyo te kepulukan niyo diyà te doma otaw.

2 Korinto 8:14

Meneng ibeg ko megpetebangay kaw. Aw doen tabang ibegay niyo doton te otaw nelimahan, doen heman kwani aldaw tomabang dan kenyo aw simpana sikiyo se kelimahan. Yan se pegpetebangay niyo.