Ininang 4:29 - Manobo Sarangani

²⁹ E Pengolo, netegahan no den se peglamit dan kenami. Yan tebangi kay menge sogounun no amon eked kay pegketalaw te peg-indan te kagi nikaw.

Ininang 4:29 ပူးပေါင်းရင်းမြစ်များ

Ininang 4:13

Penga niyan, ontò nepela se kedita te obanen te simbahan netipon, so wedà pegketalaw si Pedro aw si Juan te pegtaba dan, pengkey wedà dan ontò pekeiskwila. Meneng mig-aneng-aneng den dan te timaking si Pedro aw si Juan ki Jesus kedengan.

Ininang 14:3

Nenamay mig-ogpà si Pablo aw si Bernabe kidoen. Wedà dan pegketalaw te pegtoladà tepad te keido te Pengolo, aw migtabang heman se Pengolo kandan, aw mig-inang dan heman te kepelahan amon metaga-taga se menge otaw te benal se intoladà dan.

Filipos 1:14

Lekat te pegkeleboso kanak, labi den egsalig se keditaan te otaw egpemenal diyà te Pengolo tadon. Labi den migkagsen se ibeg dan megtoladà te kagi te Timanem, so wedad den lamit dan.

Ininang 4:31

Pegtawal-tawal dan diyà te Timanem, nekayong se balay netiponan dan, so dimateng se Espiritu Santo kandan. Lekat niyan, wedà dan kelemitan te peg-indan dan te kagi te Timanem diyà te menge doma otaw.

2 Timoteo 4:17

Pengkey timanan dan kanak, meneng migtabang se Pengolo tadon kanak, aw nemegay sikandin kanak te keseg, aw yan nekebatog a migtoladà te Mèpiya Indan tepad kandin diyà te kedita te otaw kenà Judiyo. Pengkey ibeg te menge poon ko imetayan a, meneng impelowà a te Pengolo tadon.

Ininang 28:31

Migtoladà sikandin te kebenalan tepad te Pengolo si Jesu Cristo aw tepad te peglowan te Timanem. Wedà pegketalaw te pegtoladà din, aw wedad heman otaw mig-anggà kandin.

Ininang 19:8

Dalem te telo se bolan, gayed egdoton si Pablo te simbahan te Judiyo. Wedà sikandin pegketalaw te pegtoladà din kandan tepad te peglowan te Timanem.

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Ininang 9:27

Meneng inibing i Bernabe si Saulo doton te menge sogounun i Cristo. Mig-indan sikandin diyà kandan tepad te pegpekità aw peg-ikagi te Pengolo diyà kandin doton te dalan. In-indan din heman kandan te wedà pegketalaw si Saulo te peg-indan din tepad ki Jesus doton te Damasko.

1 Tesalonika 2:2

Te wedà kay pa doton kenyo, ontò medaet se ininang kenami, aw tinompuyus kay doton te Filipos. Meneng pegdateng day doton kenyo, tinebangan kay te Timanem aw yan wedad ketalaw day te pegtoladà day kenyo te Mèpiya Indan lekat te Timanem. Yan se ininang day pengkey medita se otaw migpoon kenami.

Ininang 4:21

Meneng labi pa miglamit se menge obanen te simbahan kandan aw migpelowà dan kandan, so wedà dan ketegahi aw eden se ipelumun dan kandan, so dimuyun se kedita te otaw te Timanem te pegkegolì te otaw kapig.

Ininang 26:26

so netegahan te selotan se kedita niyan. Wedà a pegketalaw te peg-ikagi ko kandin, so netegahan din te benal se kedita te inikagi ko, so wedà iyan keinang doton te kesikmihan.

Ininang 9:28

Penga niyan, timaking si Saulo diyà te menge otaw egpemenal kidoen te Jerusalem. Wedà pegketalaw te pegtoladà din so insogò te Pengolo.

2 Korinto 3:12

So netegahan ko te doen ketomanan te egpelimanan ko, yan se doun te egbengalen ko se pegtoladà ko. Kenà a iling ki Moises so wedad ipeg-eles ko. Penga te pegtoladà din, sinempengan din se bawa din amon eked kitai te menge doma din bowad-bowad i Israel se pegkewedad te keanyag diyà te bawa din.

1 Korinto 14:13

Aw doen otaw kidoen kenyo mekeikagi te kagi eked kelebeti, keilangan pemoyoen din diyà te Espiritu Santo se kebiyasa amon meobad din se kagi din eked kelebeti.