Ininang 4:26 - Manobo Sarangani

²⁶ Megsebad se pedowan te menge otaw eglowan dini te keneyonan amon mato dan te Pengolo aw isogò din.’

Ininang 4:26 ပူးပေါင်းရင်းမြစ်များ

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Menge Hebreo 1:9

Egkeibeg ka te metòlid. Eked ka keibeg te medaet. Yan se doun te siaken Timanem nikaw se mig-inang kamno labi pa melangkaw diyà te kedita, aw nemegay a kamno te ontò keluba.”

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Impekità 17:17

Yan se inangen dan kandin, so begayan dan te Timanem te ibeg amon tomanen dan se lalang din. Yan se doun te megsebad dan te pedowan aw megpesakop dan diyà te menenanap mebolot amon megtelaban dan kenyan lamig metoman se tapay impakang te Timanem.

Impekità 12:10

Penga niyan, doen dinineg ko timawal kidoen te langit te dakel se kagi din, “Netoman den se pegpelowà te Timanem te kedita te otaw. Impekità den te Timanem te metolos sikandin. Migtebò den se peglowan din, aw insawol din den se Misiyas amon lomowan, so indagdag din den si Satanas, sìyan gayed egpoon te menge kedowa tadon egpemenal aw egdimanda kandan diyà te Timanem te aldaw aw delem.

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”