Ininang 4:17 - Manobo Sarangani

¹⁷ Meneng mèpiya aw lemiten tadon dan amon eked dan ebey ikagi te ngadan te egtekingan dan sìyan, amon eked iyan ketegahi te menge otaw kidoen te doma lonsod.”

Ininang 4:17 ပူးပေါင်းရင်းမြစ်များ

Ininang 5:28

“Kedengan, migpunù kay kenyo te eked kaw palos pegtoladà tepad te otaw egtekingan niyo. Meneng wedà kaw tolò, so songkani, netaga-taga se kedita te otaw dini te Jerusalem te intoladà niyo. Eg-ikagi kaw heman te sikami se otaw migpeimatay te egtekingan niyo.”

1 Tesalonika 1:8

so pineokit kenyo, ingkeliwat den se kagi te Timanem tepad te Pengolo tadon kenà olò doton te Masidonya aw Gresya, meneng netaga-taga den se kedita te otaw te nemenal kaw den te Timanem. Yan se doun te wedad den keilangan te peg-indan day te menge otaw tepad te pegpemenal niyo, so netegahan den dan iyan.

Ininang 5:24

Mondà netaga-taga se menge pengolo te simbahan aw kapitan te polis egtonggò te dakel simbahan, ontò migkebulung se aneng-aneng dan aw kenan den se menge sogounun i Cristo.

Ininang 4:21

Meneng labi pa miglamit se menge obanen te simbahan kandan aw migpelowà dan kandan, so wedà dan ketegahi aw eden se ipelumun dan kandan, so dimuyun se kedita te otaw te Timanem te pegkegolì te otaw kapig.

Mat. 27:64

Yan mèpiya aw isogò no se menge sondalo megtonggò te lebeng din te telo se aldaw, amon eked ketakaw te menge tinoledaan din se lawa din lekat te lebeng. Yan eked dan pekeindan te neantay den sikandin lekat te nematay. Medita den se otaw neekalan te sikandin se Misiyas, meneng labi pa medaet aw keekalan dan te neantay den sikandin lekat te nematay.”

Mat. 9:30

Pegketà, kimità dan. Penga niyan, ontò migpunù si Jesus, “Keilangan wedad palos otaw indanan niyo.”

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Efeso 6:9

Sikiyo menge otaw doen allang, keilangan mèpiya heman se pedowan niyo kandan. Ikà niyo eglamit kandan, so netegahan niyo te onawa se Pengolo niyo aw Pengolo dan eg-ogpà doton te langit. Diyà te aneng-aneng din, onawa se keelagà te kedita te otaw, pengkey allang aw kenà allang.

1 Pedro 2:23

Pegtompuyus dan kandin, wedad medaet intaba din. Pegpengimatay dan kandin, wedà sikandin peglamit kandan. Olò sikandin simalig diyà te Timanem eg-okom te metòlid.