Ininang 4:1 - Manobo Sarangani

¹ Telobo pa minikagi si Pedro aw si Juan diyà te menge otaw netipon, dimateng diyà kandan se menge pengolo te simbahan, aw kapitan te polis egtonggò te dakel simbahan. Dimateng heman se menge otaw Sadusiyo egtoladà te wedad palos keentayan.

Ininang 4:1 ပူးပေါင်းရင်းမြစ်များ

Luc. 22:4

Dimoton si Judas te menge pengolo te simbahan aw menge kapitan te otaw egtonggò te dakel simbahan te Jerusalem. Migpebelaw-belaway dan tepad te pegtolok din ki Jesus amon dekepen dan.

Ininang 6:12

Pineokit kenyan, migsamok dan te menge doma otaw, aw menge obanen te simbahan, aw menenoladà te punù ingkeliwat i Moises. Penga niyan, ayas dan inewidan si Esteban. Inibing dan sikandin doton te menge obanen te simbahan amon okomen dan.

Ininang 5:26

Penga niyan, dimoton se polis aw kapitan dan amon mangay dan te sogounun i Cristo. Wedà pegleges se polis kandan so nelemitan dan aw bontogan dan te menge otaw te bato.

Ininang 5:24

Mondà netaga-taga se menge pengolo te simbahan aw kapitan te polis egtonggò te dakel simbahan, ontò migkebulung se aneng-aneng dan aw kenan den se menge sogounun i Cristo.

Mat. 3:7

Nayan, medita heman se egpengibing te simbahan te Judiyo dimoton ki Juan amon megpebonyag dan kandin. Sakop dan te menge Parisiyo aw Sadusiyo. Pegkità i Juan kandan, minikagi sikandin, “Tay law. Iling kaw te memokan egkadas te apoy. Eked kaw pekelowà lekat te pelumun te Timanem te modi aldaw singed aw megselsel kaw.

Ininang 4:6

Netipon se ontò pengolo te simbahan si Anas, aw si Caifas, aw si Juan, aw si Alejandro, aw menge doma gaked i Anas eleg netipon kidoen.

Juan 18:3

Nayan, minangay si Judas te menge sondalo aw menge otaw egtonggò te simbahan insogò te menge pengolo te simbahan aw Parisiyo, aw timaking dan kandin doton te kekeyowan. Nengibing dan te menge solò, aw gansà, aw kekamang dan.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

Mat. 27:41

Iling heman kenyan se pegtompuyus te menge pengolo te simbahan, aw menenoladà te punù ingkeliwat i Moises, aw menge obanen te Judiyo. Minikagi dan,

Mat. 27:20

Dalem niyan, gayed migdeliseg se menge pengolo te simbahan aw menge obanen te Judiyo diyà te otaw netipon kidoen amon memoyò dan ki Pilato te ipelowà din si Barabas aw imetayan si Jesus.

Mat. 22:16

Penga niyan, doen menge tinoledaan dan aw menge sakop i Herod insogò dan doton ki Jesus. Minikagi dan diyà kandin, “Sir, netegahan day te kenà ka egkebolalaw. Netegahan day heman te pengkey sinu se otaw toledaan no, ontò benal se ipegtoladà no diyà kandan tepad te ibeg te Timanem.

Mat. 16:12

Penga niyan, nekelabet dan te kenà yist te pan se keilangan imendayan dan, meneng keilangan megpekeimanday dan te ipegtoladà te menge Parisiyo aw Sadusiyo.

Ininang 6:7

Penga niyan, gayed in-indan se kagi te Timanem doton te menge doma ogpeanan. Migkedita se otaw nemenal doton te Jerusalem, aw medita heman se pengolo te simbahan te Judiyo nemenal.

Luc. 20:1

Pegtoladà i Jesus te menge otaw netipon kidoen te dakel simbahan, migtoladà sikandin tepad te Mèpiya Indan. Dalem te pegtoladà din, dimateng se menge pengolo te simbahan aw menenoladà te punù aw menge obanen te Judiyo.

Ininang 5:17

Nayan, ontò neopal se ontò pengolo te simbahan aw menge otaw ketondog kandin, yan se menge Sadusiyo. Miningà dan te menge sogounun i Cristo aw