Ininang 3:6 - Manobo Sarangani

⁶ Meneng minikagi si Pedro, “Wedad palos kwarta ko, meneng tebangan ta te mebatog ko. Pineokit te ngadan i Jesu Cristo tege Nasarit, ipanaw ka.”

Ininang 3:6 ပူးပေါင်းရင်းမြစ်များ

Ininang 3:16

Pineokit te ngadan i Jesus egseligan day, negolian den se otaw seini kinità aw kinilala niyo. Pineokit te pegsalig ki Jesus, nekeipanaw den sikandin aw yan se kinità niyo.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 4:10

Indanan ko den sikiyo aw kedita te doma niyo bowad-bowad i Israel. Negolian se otaw kindoen pineokit te ngadan i Jesu Cristo tege Nasarit. Si Jesus se inimetayan niyo, meneng inantay te Timanem lekat te nematay.

Ininang 9:34

Minikagi si Pedro kandin, “E Eneas, enaw ka, so pinegolì ka i Jesu Cristo. Loloni se inibatan nikaw.” Pegketà minenaw si Eneas.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Ininang 16:18

Yan se eg-inangen din te kelikit te aldaw. Sagwa wedà peketayod si Pablo, yan siminalo kandin aw minikagi diyà te bosaw, “Insogò a i Jesu Cristo, aw yan mikagi a kamno, lowà ka diyà kandin.” Pegketà limowà se bosaw diyà kandin.

Mar. 16:17

Seini se menge pengilala inangen te menge otaw egpemenal kanak. Megpelowà dan te bosaw lekat te otaw pineokit te ngadan ko. Mikagi dan heman te kagi eked kelebeti.

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

Ininang 4:7

Impeangay dan si Pedro aw si Juan aw mig-insà dan kandan, kagi dan, “Sinu lay se nemegay kenyo te tolos? Sinu lay ngadan se inikagi niyo te nekeinang kaw kani?”

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Ininang 2:36

Eneng-enengi niyo. Pengkey inlansang niyo si Jesus diyà te kros amon matay, meneng sikandin se ininang te Timanem Pengolo aw Misiyas.”

Mat. 10:9

Ikà niyo egpengibing te kwarta pengkey bolawan, selapì aw kedakò.

Mat. 7:22

Aw domateng se aldaw te peg-okom, medita se otaw mikagi diyà kanak, ‘Pengolo, peopi kay bag, so migkeliwat kay te kagi te Timanem tandà te pegtaking day kamno, aw migpelowà kay te bosaw lekat te otaw pineokit te ngadan nikaw, aw doen heman menge kepelahan ininang day pineokit te ngadan nikaw.’

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

Juan 19:19

Doen insolat i Pilato aw impesawol din iyan doton diatas te olo i Jesus, kagi niyan, “Seini si Jesus tege Nasarit, Selotan te menge Judiyo.”

2 Korinto 8:12

Aw meagka se pedowan niyo, mèpiya aw ibegay niyo se taman te mebatog niyo, so eked kaw legesi memegay te labi pa dakel kenyan.

Mar. 14:8

Ininang te bayi sìyan se mebatog din inangen. Pineokit te pegtoyong din te lana sìyan diyà kanak, impetagad a din te peglebeng kanak.

1 Korinto 4:11

Lamig seini, egbellosen kay, aw egkelao kay, aw wedad nael penenaktun day, aw pineeleg kay, aw lomelegeb kay so wedad balay day.

Ininang 3:5

Yan timengteng se kapig kandan, so eden din aw doen kwarta ibegay kandin.

Ininang 3:7

Penga niyan, inewidan i Pedro se belad din digsel te kowanan aw impetindeg din. Pegketà migkagsen se benis din.