Ininang 3:25 - Manobo Sarangani

²⁵ Sikitadon heman se pinekangan te Timanem, so ingkeliwat se pakang sìyan diyà kenitadon. Netoman den songkani se pakang te Timanem diyà te kemonaan tadon, so minikagi se Timanem diyà ki Abraham, ‘Tebangan ko se kedita te otaw te keneyonan pineokit te bowad-bowad nikaw.’ Yan se impakang te Timanem ki Abraham.

Ininang 3:25 ပူးပေါင်းရင်းမြစ်များ

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Ininang 2:39

Migpakang se Timanem te ibegay din se Espiritu Santo diyà kenyo, aw diyà te batà niyo, aw diyà te otaw mediyò, so ibegay din diyà te kedita te otaw tewalen din.”

Galasya 3:8

Doen kagi te Timanem insolat te eneng-enengen din te metòlid se kedita te otaw, pengkey Judiyo aw kenà Judiyo, pineokit te pegpemenal dan. Yan se mèpiya indan tapay intoladà din ki Abraham, kagi din, “Pineokit kamno, ibegay ko se mèpiya diyà te kedita te otaw dini te keneyonan.”

Genesis 12:3

Mèpiya se ibegay ko diyà te kedita te otaw memegay kamno te mèpiya. Meneng ipelumun ko se kedita te otaw megtompuyus kamno. Pineokit kamno, mèpiya se ibegay ko diyà te kedita te otaw dini te keneyonan.”

Impekità 7:9

Penga niyan, kinità ko se ontò medita otaw lekat te kedita te ogpeanan. Eked dan kebilang, so ontò dan medita. Timindeg dan kidoen te monà te onsedanan te peglowan, kidoen te monà te Karniro. Nenaol dan te mepotì aw nengibing dan te pelapà te palmera.

Galasya 3:16

Na, pinekangan te Timanem si Abraham aw bowad-bowad din. Kenà aw kedita te bowad-bowad i Abraham se pinekangan te Timanem, meneng sebad olò bowad-bowad din si Cristo.

Roma 4:13

Gebii, migpakang se Timanem diyà ki Abraham aw menge bowad-bowad din te doen aldaw domateng aw begayan dan te kedakel te keneyonan aw lomowan dan diyà te kedita te otaw. Yan se impakang te Timanem kenà so timolò si Abraham te menge punù ingkeliwat i Moises, meneng impakang iyan te Timanem so nemenal si Abraham te Timanem aw inaneng-aneng te Timanem te metòlid sikandin.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

Genesis 28:14

Inangen ko medita se bowad-bowad nikaw igsà eked dan kebilang iling te menge napò te tanà. Meg-ogpà se menge bowad-bowad no doton te kebelad te tanà pengkey kenan nikaw kitai. Mèpiya se ibegay ko diyà te kedita te otaw dini te keneyonan pineokit kamno aw bowad-bowad nikaw.

Genesis 26:4

Inangen ko ontò medita se bowad-bowad nikaw, iling te kedita te menge bitoen doton te langit. Ibegay ko diyà kandan se kedakel te tanà seini. Mèpiya se ibegay ko diyà te kedita te otaw te keneyonan pineokit te bowad-bowad nikaw.

Genesis 20:7

Nayan, olii se bayi diyà te esawa din. Si Abraham se telekeliwat te kagi ko, aw megtawal-tawal sikandin tepad kamno amon eked ka kematay. Meneng aw eked no sikandin olii, metoman ka matay sipat te kedita te sakop nikaw.”

Genesis 17:19

Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.

Impekità 14:6

Penga niyan, kinità ko se sebad anghil limayang kidoen te tengà-tengà te langit aw tanà. Egtoladà sikandin te mèpiya indan wedad temanan. Yan se intoladà din diyà te kedita te otaw mig-ogpà kidoen te keneyonan, pengkey kenan dan peg-ogpà.

Impekità 5:9

Migdelangan dan heman te kaling delangan, kagi dan, “Botong se kelangkaw nikaw amon mekebatog ka mengabat te papil linolon Aw mengabat ka te pengilala niyan, So sikona se inimetayan, Aw pineokit te dipanog no te pegkematay no, Migtansò ka te otaw lekat te kedita te ogpeanan Amon meinang dan sakop te Timanem.

Roma 15:8

Ipeaneng-aneng ko den kenyo te insogò te Timanem si Cristo diyà kenami menge Judiyo amon ipetaga-taga din te ontò keseligan se kagi te Timanem, so tinoman i Cristo se impakang te Timanem diyà te menge kemonaan day gebii.

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Luc. 1:72

Metoman kidon din keidowan, so yan se impakang din diyà te menge kemonaan tadon. Eked din kelibeli se impakang din gebii,

Genesis 18:18

so meinang dakel pongan se menge bowad-bowad din, aw mèpiya se ibegay ko diyà te kedita te otaw pineokit kandin.