Ininang 3:16 - Manobo Sarangani

¹⁶ Pineokit te ngadan i Jesus egseligan day, negolian den se otaw seini kinità aw kinilala niyo. Pineokit te pegsalig ki Jesus, nekeipanaw den sikandin aw yan se kinità niyo.

Ininang 3:16 ပူးပေါင်းရင်းမြစ်များ

Ininang 14:9

Nenenalan sikandin te intoladà i Pablo. Penga niyan, netegahan i Pablo te nemenal se otaw kapig te mekebatog se Timanem megpegolì kandin. Yan nenginoet si Pablo kandin

Ininang 4:10

Indanan ko den sikiyo aw kedita te doma niyo bowad-bowad i Israel. Negolian se otaw kindoen pineokit te ngadan i Jesu Cristo tege Nasarit. Si Jesus se inimetayan niyo, meneng inantay te Timanem lekat te nematay.

Ininang 3:6

Meneng minikagi si Pedro, “Wedad palos kwarta ko, meneng tebangan ta te mebatog ko. Pineokit te ngadan i Jesu Cristo tege Nasarit, ipanaw ka.”

Ininang 16:18

Yan se eg-inangen din te kelikit te aldaw. Sagwa wedà peketayod si Pablo, yan siminalo kandin aw minikagi diyà te bosaw, “Insogò a i Jesu Cristo, aw yan mikagi a kamno, lowà ka diyà kandin.” Pegketà limowà se bosaw diyà kandin.

Mat. 9:22

Penga niyan, miniling si Jesus, aw kinità din se bayi sìyan. Minikagi sikandin, “Atà, peseligi se pedowan nikaw. Negolian ka so simalig ka diyà kanak.” Pegketà, negolì se mesakit din.

1 Korinto 13:2

Pengkey biyasa a egkeliwat te kagi te Timanem, pengkey doen impetaga-taga te Timanem kanak wedà din petega-tegahi diyà te doma otaw, pengkey netegahan ko se kedita te kebenalan, pengkey ontò a egsalig diyà te Timanem aw yan egpekeinang a te kepelahan, meneng aw wedad kedakel te pedowan ko diyà te doma otaw, wedad ontong kanak.

Juan 14:12

“Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Ininang 4:7

Impeangay dan si Pedro aw si Juan aw mig-insà dan kandan, kagi dan, “Sinu lay se nemegay kenyo te tolos? Sinu lay ngadan se inikagi niyo te nekeinang kaw kani?”

Ininang 3:8

Yan timindeg sikandin aw migpanaw-panaw. Penga niyan, minawop sikandin doton didalem te simbahan doma ki Pedro aw si Juan. Migpanaw-panaw sikandin, aw migtolayun, aw induyun din se Timanem.

Ininang 4:30

Pekitai se ketolos nikaw, aw pegolii se menge otaw doen mesakit. Pekitai se kepelahan aw doma inang no metolos pineokit te ngadan te insogò no si Jesus.”

Juan 7:23

Yan eked kepakay aw keopalan a niyo, so aw mepakay se pegtolì niyo te otaw dalem te aldaw te peg-etod amon toloen se punù ingkeliwat i Moises, mepakay heman se pegpegolì ko te kedakel te lawa te otaw dalem te aldaw te peg-etod.

Roma 3:22

Eneng-enengen te Timanem te metòlid kidon pineokit te pegpemenal tadon ki Jesu Cristo. Yan se inangen din diyà te kedita te otaw memenal, pengkey Judiyo aw otaw kenà Judiyo, so onawa se kedita te otaw.

Mat. 14:29

Minikagi si Jesus, “Na, diyà ka.” Penga niyan, timenà si Pedro lekat te belangay aw minipanaw diyà te lanto te lanaw pesalo doton ki Jesus.