Ininang 3:13 - Manobo Sarangani

¹³ Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Ininang 3:13 ပူးပေါင်းရင်းမြစ်များ

Ininang 7:32

‘Siaken se Timanem egseligan te kemonaan no gebii si Abraham, si Isaac, aw si Jacob.’ Pegdineg din kenyan, wedà ebey tengteng, so ontò sikandin nelemitan aw tinegangtang.

Mat. 22:32

‘Siak se Timanem gayed egseligan i Abraham, aw si Isaac, aw si Jacob.’ Kenà otaw wedad pedowan se egsalig te Timanem, meneng otaw doen pedowan se egsalig kandin.”

Menge Hebreo 2:9

Meneng netegahan tadon te timoman si Jesus limowan. Pegpekeotaw din, neinang sikandin medanà diyà te menge anghil te wedà kenamay, amon somelilin sikandin kenitadon aw matay doton te kros tandà te keido te Timanem kenitadon. Pineokit te pegkematay din, ininang sikandin te Timanem ontò melangkaw.

Juan 19:15

Meneng migbelobansag dan, “Imetayi sikandin. Imetayi. Lensangi diyà te kros.” Minikagi si Pilato, “Meibeg kaw lay te ipelansang ko se selotan niyo diyà te kros?” Timaba se menge pengolo te simbahan, “Sebad olò se selotan day, aw yan si Cesar.”

Juan 19:12

Pegdineg i Pilato kenyan, ibeg din megpelowà ki Jesus. Meneng migbelobansag se menge obanen te Judiyo, “Aw ipelowà no sikandin, meinang ka poon te selotan tadon si Cesar, so aw megpelingo-lingo se otaw selotan, poon sikandin i Cesar.”

Juan 18:40

Migbelobansag dan, “Kenà otaw seini se ipelowà no, meneng ibeg day si Barabas.” (Na, si Barabas se megdedempasay.)

Impekità 1:18

Siak se doen pedowan wedad temanan. Inimetayan a, aw eked a den todà palos kematay. Siaken olò se mekebatog meg-antay te otaw lekat te nematay. Aw matay se otaw, siak olò se mekesogò aw kenan dan peogpai.

Ininang 22:14

Minikagi si Ananias, ‘Tapay ka pinemallì te Timanem egseligan te kemonaan ta, amon metaga-taga ka te ibeg din. Pinemallì ka din amon komità ka te batà din, aw amon domineg ka te kagi din, aw netoman den iyan.

Juan 12:16

Pegdateng i Jesus doton te Jerusalem, wedà pa ketaga-taga se menge tinoledaan din te yan se pegketoman te pakang tapay insolat. Meneng penga te pegkeantay din lekat te nematay, aw pegpeengat din doton te langit, mig-aneng-aneng den dan te yan se impakang tepad kandin gebii, aw netoman den iyan.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Luc. 23:4

Minikagi si Pilato diyà te menge pengolo te simbahan aw doma otaw netipon kidoen, “Wedad palos salà te otaw seini kinità ko.”

Mar. 15:11

Meneng gayed migdeliseg se menge pengolo te simbahan diyà te otaw netipon kidoen amon ipelowà din si Barabas aw eked din pelowai si Jesus.

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Mat. 27:2

Penga niyan, ginapos dan si Jesus, aw inibing dan sikandin doton te gobirnador si Pilato.

Mat. 20:19

Ibegay a dan heman diyà te belad te otaw kenà Judiyo. Kebebeyatan a dan, aw bedasen a dan, aw penga niyan ilansang a diyà te kros amon matay a. Penga niyan, meantay a lekat te nematay te iketelo te aldaw.”

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Luc. 6:37

“Ikà niyo eg-okom te doma otaw amon eked kaw okomi. Ikà niyo egpemegay te pelumun diyà te doma otaw amon eked kaw begayi te pelumun. Pegwedadi niyo se salà te doma otaw amon pegwedaden se kenyo salà.

Juan 19:11

Minikagi si Jesus, “Simpana wedà ka pelowani te Timanem, eked ka pekelowan diyà kanak seini. Yan se doun te labi pa mebegat se salà te otaw migpeibing kanak dini kamno.”

Ininang 3:12

Pegkità i Pedro te otaw netipon, minikagi, “Menge kedomaan ko Judiyo, ikà niyo egkepela kenyan. Ikà niyo egtengteng kenami. Kenà kenami tolos se nekegolì te otaw kapig. Kenà heman lekat te ketòlid day.

Ininang 3:26

Sikitadon onà se sinogoan te Timanem ki Jesus amon tebangan kidon aw megselsel kidon te salà.”

Ininang 4:27

Netoman den iyan, so dini te Jerusalem, migsebad se pedowan i Herod, aw si Poncio Pilato, aw menge bowad-bowad i Israel, aw menge doma otaw kenà Judiyo, amon imetayan dan se insogò no si Jesus, pengkey wedad kandin salà. Sikandin se ininang no Misiyas.

Ininang 4:30

Pekitai se ketolos nikaw, aw pegolii se menge otaw doen mesakit. Pekitai se kepelahan aw doma inang no metolos pineokit te ngadan te insogò no si Jesus.”

Ininang 24:14

Eg-ikagi a te benal diyà kamno. Egsimbahen ko se Timanem egseligan te kemonaan day. Se kebenalan egtekingan ko, yan son dan se kebolalaw. Egtolò a te kedita te punù ingkeliwat i Moises aw menge doma telekeliwat te kagi te Timanem.

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Luc. 22:57

Meneng migbolon si Pedro, aw minikagi sikandin, “Tay law, atà. Wedà ko sikandin kilelai.”