Ininang 3:12 - Manobo Sarangani

¹² Pegkità i Pedro te otaw netipon, minikagi, “Menge kedomaan ko Judiyo, ikà niyo egkepela kenyan. Ikà niyo egtengteng kenami. Kenà kenami tolos se nekegolì te otaw kapig. Kenà heman lekat te ketòlid day.

Ininang 3:12 ပူးပေါင်းရင်းမြစ်များ

2 Korinto 3:5

Kenà lekat te kanak aneng-aneng aw kebiyasa se nekebatog te ininang ko doton kenyo, meneng lekat te Timanem se kebiyasa,

Genesis 41:16

Timaba si Jose, “Kenà lekat kanak se kebiyasa, meneng Timanem olò se megpetaga-taga kamno te mèpiya kedegdagan niyan.”

Roma 9:4

Ontò den dan netebangan, so gebii pinemallì te Timanem se menge bowad-bowad i Israel, aw pigbatà din dan. Sikandan se pinekitaan din te kelangkaw din. Sikandan heman se pinekangan din te tebangan din dan. Sikandan se sineligan din te menge punù ingkeliwat i Moises. Sikandan se tinoledaan din tepad te pegsimba dan kandin. Medita heman se pakang din kandan.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Roma 11:1

Nayan, pengkey wedad nael Judiyo nemenal, meneng ikà niyo eg-aneng-aneng te timinàyog se Timanem te kedita te Judiyo, so siaken heman sebad Judiyo. Si Abraham se kemonaan ko, aw nesakop a heman diyà te pongan i Benjamin.

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Juan 7:18

Aw teboken te otaw se itoladà din, ibeg din domuyun te kandin pegkeotawun. Meneng aw pineokit te pegtoladà din, iduyun din se simogò kandin, yan se pengilala te benal se ipegtoladà din, aw kenà sikandin bolelawun.

Genesis 40:8

Timaba dan, “Migtegeinep kay, aw wedad otaw mekeindan kenami aw eden se kedegdagan niyan.” Minikagi si Jose, “Timanem se egpemegay te kebiyasa diyà te otaw amon mekeindan te kedegdagan te tegeinep. Indani a tepad te tegeinep niyo.”

Ininang 3:11

Kidoen si Pedro aw si Juan te sebad balkon te dakel simbahan iningedanan Balkon i Solomon. Inewidan dan te otaw negolian tandà te luba din. Netipon se kedita te otaw kidoen kandan so nepela dan.

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Impekità 7:13

Penga niyan, doen obanen mig-insà kanak, “Netegahan no lay aw sinu se menge otaw seini nenaol te mepotì? Netegahan no lay aw kenan dan lekat?”