Ininang 27:41 - Manobo Sarangani

⁴¹ Meneng nekesogat se pangkò diyà te abas aw yan nekesallad. Nekeselà se dolong, aw yan wedà keabat, aw nebàtan den se olin te balud.

Ininang 27:41 ပူးပေါင်းရင်းမြစ်များ

Ininang 27:17

Pegkepenga niyan, inigot dan heman se getan te pangkò te lobid amon eked kebàti. Nelemitan dan aw idagsà se pangkò doton te abas iningedanan Sirte doton te Libya. Yan linolon dan se layag aw neketaking kay te kelamag.

Ininang 27:30

Intonton te menge gormiti se deitek boti doton te dagat, so migpelingo-lingo dan te megdagdag dan te pondo doton te dolong, amon komadas dan lekat te pangkò sinekayan day.

Ininang 27:40

Penga niyan, binogtò day se lobid in-iket te pondo, aw yan tinenanan se kedita te pondo doton didalem te dagat. Linebad day heman se lobid in-iket te bensalan. Bineka day se layag doton te dolong, aw yan migpesalo kay doton te enay.

Ininang 27:42

Mig-aneng-aneng den se menge sondalo mengimatay te menge otaw egtonggoan dan amon eked dan pekekapay aw pekelowà.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.