Ininang 27:1 - Manobo Sarangani

¹ Pegpengibing dan ki Pablo pesalo doton te Italya, simakay kay te dakel belangay. Doen sebad serhinto diyà te menge sondalo iningedanan Gropo Augusto ngadan din si Julio impetonggò i Festo ki Pablo aw menge doma otaw kineleboso.

Ininang 27:1 ပူးပေါင်းရင်းမြစ်များ

Ininang 25:25

Meneng aneng-aneng ko, wedad salà din te mepakay sikandin imetayan. Meneng pegpemoyò din te si Cesar se meg-osay kandin, miglalang a te ipeibing ko sikandin doton ki Cesar.

Ininang 25:12

Penga te pegpebelaw-belaway i Festo aw menge doma teleglawong, minikagi sikandin, “So pinemoyò no den te si Cesar se meg-osay kamno, yan ipeibing ta doton kandin.”

Ininang 10:1

Kidoen te Sesarya, doen serhinto ngadan din si Cornelio. Sikandin se sebad diyà te menge sondalo iningedanan Gropo Italya. Sikandin se olo te sebad gatos sondalo.

Ininang 27:11

Meneng wedà penenalan se serhinto ki Pablo, so simalig sikandin diyà te egpengibing aw tig-apò te pangkò sìyan.

Ininang 18:2

Kinità din kidoen se sebad Judiyo si Akilas timebaw doton te Ponto, kaling dimateng lekat te Italya sipat esawa din si Priscila, so migpunù se selotan si Claudio te mesayo se kedita te Judiyo lekat te Roma kapital te Italya. Gimemaw si Pablo diyà kandan.

Menge Hebreo 13:24

Indani niyo se kedita te egpengibing te simbahan aw kedita te doma niyo sakop te Timanem te eg-aneng-aneng a heman kandan. Ibeg te menge tege Italya, metaga-taga kaw heman te eg-aneng-aneng dan kenyo.

Ininang 28:16

Pegdateng day doton te Roma, wedà kelebosowi si Pablo, meneng impeogpà doton te sebad balay tinonggoan te sondalo.

Ininang 27:43

Meneng migsagda si Julio kandan, so ibeg din eked imetayi si Pablo. Penga niyan, insogò din se menge otaw biyasa egkapay komahang doton te dagat amon monà dan domateng doton te enay.

Ininang 27:6

Netelaan i Julio se sebad pangkò doen dedakel layag meneng wedad katig. Dimateng se pangkò lekat te Alejandriya megpesalo doton te Italya, aw yan se sinekayan day lekat te Mira.

Ininang 24:23

Penga niyan, minikagi si Felis diyà te serhinto te ebey pa tonggoan si Pablo, meneng eked begayi te kelimahan. Mepakay aw leoyen sikandin te menge doma din amon megtabang dan te kandin kepulukan.

Ininang 23:17

Penga niyan, tinawal i Pablo se sebad serhinto aw minikagi, “Ibingi se telaki seini doton te kapitan so doen iindan din.”

Ininang 23:11

Tengà te delem, migpekità se Pengolo diyà ki Pablo aw minikagi, “Ikà egkelemitan. Mig-indan ka den tepad kanak dini te Jerusalem. Meg-indan ka pa heman doton te Roma.”

Ininang 22:26

Pegdineg te serhinto te inikagi din, dimoton te kapitan aw minikagi, “Ikà egpebadas kandin, so sakop sikandin te Roma.”

Ininang 21:32

Pegketà inibing te kapitan se menge serhinto aw sondalo, aw mig-ayas dan doton te otaw netipon. Pegkità te menge otaw te kapitan aw sondalo, limengà dan te pegsombag dan ki Pablo.

Ininang 19:21

Penga niyan, ibeg i Pablo domoton te Jerusalem mokit te Masidonya aw Gresya. Minikagi sikandin, “Penga te peggemaw ko doton te Jerusalem, keilangan domeleg a doton te Roma.”

Ininang 16:10

Penga niyan, nengemahà kay te sekayan day pesalo doton te Masidonya, so netegahan day te insogò kay te Timanem doton kandan amon megtoladà kay kandan te Mèpiya Indan tepad ki Jesus.

Ininang 10:22

Timaba dan, “Insogò kay te sebad serhinto si Cornelio olo te sebad gatos sondalo. Sikandin se otaw egpenimanem aw egtolò te Timanem, aw induyun sikandin te medita Judiyo. Doen anghil te Timanem migpunù kandin te ipeangay ka din amon megtoladà ka kandin.”

Luc. 23:47

Kinità te kapitan te sondalo se kepelahan neinang te pegkematay i Jesus, aw dimuyun sikandin te Timanem, kagi din, “Ontò mèpiya se otaw sìyan.”

Luc. 7:2

Doen kidoen kapitan te sondalo te gobirno te Roma. Nesekitan aw ontò netigdaan se sebad sineligan din ontò din egkeidowan.

Mat. 27:54

Na, se menge sondalo aw kapitan migtonggò ki Jesus, nelemitan dan te pegkayong te linog, aw pegkekità dan te kepelahan neinang te pegkematay i Jesus. Minikagi dan heman, “Ontò Batà te Timanem se otaw sìyan.”

Genesis 50:20

Pengkey medaet se tod niyo kanak, meneng ininang te Timanem iyan mèpiya, amon medita se otaw eked kematay te bitil, aw yan se doun te neantay kidon pa songkani.

Ininang 28:1

Pegdateng day doton te enay, netegahan day te sìyan se polò iningedanan Malta.