Ininang 26:9 - Manobo Sarangani

⁹ “Pengkey siak, kedengan eden ko aw mèpiya se pegpemilang ko te menge otaw egpemenal ki Jesus tege Nasarit.

Ininang 26:9 ပူးပေါင်းရင်းမြစ်များ

1 Timoteo 1:13

Kedengan te wedà a pa pemenal, migtompuyus a kandin, aw nemilang a te menge sakop din, aw nebensi a kandan. Meneng neidowan a din pa, so peg-inang ko kenyan, wedà a pa pemenal kandin, aw yan wedà ko ketegahi te medaet se ininang ko sìyan.

Ininang 22:8

Penga niyan, minikagi a, ‘Sir, sinu ka lay?’ Yan timaba se Pengolo, ‘Siaken si Jesus tege Nasarit se egpemilangen nikaw.’

Filipos 3:6

Ontò a measeb igsà nemilang a te menge otaw egpemenal ki Cristo. Ontò metòlid se pegtolò ko te menge punù ingkeliwat i Moises igsà wedad palos punù linèpangan ko.

Roma 10:2

Netegahan ko te ontò dan measeb tomaking te ketanem pinemenalan dan tepad te Timanem. Meneng wedà dan ketaga-taga te kebenalan.

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Ininang 21:13

Meneng minikagi si Pablo, “Ikà niyo egkelag. Ikà niyo egpemegay te lidò diyà te pedowan ko, so wedad beloyan aw iketan a doton te Jerusalem. Wedad heman beloyan aw imetayan a tandà te pegsalig ko diyà te Pengolo tadon si Jesus.”

Ininang 9:16

Ipetaga-taga ko kandin te doen kelimahan domateng diyà kandin tandà te pegtaking din kanak.”

Ininang 3:6

Meneng minikagi si Pedro, “Wedad palos kwarta ko, meneng tebangan ta te mebatog ko. Pineokit te ngadan i Jesu Cristo tege Nasarit, ipanaw ka.”

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Ininang 3:17

“Menge kedowa ko, netegahan ko te impeimatay niyo si Jesus so wedà niyo ketegahi te sikandin se Misiyas. Wedà heman ketaga-taga se menge otaw limowan kenyo.

Ininang 9:1

Nayan, dalem niyan, gayed egkeopal si Saulo aw egbentakan din se kedita te otaw egpemenal te Pengolo. Dimoton sikandin te ontò pengolo te simbahan te Jerusalem,

Ininang 22:3

“Siaken se doma niyo Judiyo. Timebaw a doton te Tarso, sebad lonsod doton te Silisya. Timilles a dini te Jerusalem. Si Gamaliel se meistro migtoladà kanak. Mig-iling a te kedita te punù egtoloen te kemonaan tadon. Measeb a egtolò te Timanem onawa te keaseb niyo songkani.

Ininang 22:4

Yan se doun te nemilang a te otaw egpemenal ki Jesus aw inimetayan ko dan, so eden ko aw yan se ibeg te Timanem. Doen heman dinakep ko aw kineleboso ko, pengkey meama aw bayi.