Ininang 26:6 - Manobo Sarangani

⁶ Nayan, neopalan a den dan so egpeliman a te metoman se impakang te Timanem diyà te kemonaan tadon.

Ininang 26:6 ပူးပေါင်းရင်းမြစ်များ

Ininang 24:15

Onawa heman se egpelimanan ko aw menge otaw neopal kanak, so egpelimanan ko heman se peg-antay te Timanem te kedita te otaw lekat te nematay, pengkey otaw egpenimanem aw otaw kenà egpenimanem.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Ininang 28:20

Yan se doun te pigtipon ko sikiyo, amon megkità kidon aw megpebelaw-belaway. Iniketan a pa te sengkalì seini so pinemenalan ko sikandin egpelimanan tadon menge bowad-bowad i Israel.”

Roma 15:8

Ipeaneng-aneng ko den kenyo te insogò te Timanem si Cristo diyà kenami menge Judiyo amon ipetaga-taga din te ontò keseligan se kagi te Timanem, so tinoman i Cristo se impakang te Timanem diyà te menge kemonaan day gebii.

Ininang 23:6

Netaga-taga si Pablo te kenà egsebad se kedita te obanen te simbahan, so doen egpelenged te Sadusiyo, aw doen doma otaw egpelenged te Parisiyo. Yan minikagi si Pablo diyà kandan, “Menge kedowa ko, siaken se egpelenged te Parisiyo, aw kemonaan ko heman se egpelenged te Parisiyo. Impedini a amon insaen a niyo te aldaw seini, so egpeliman a te peg-antay te Timanem te otaw lekat te nematay.”

Genesis 26:4

Inangen ko ontò medita se bowad-bowad nikaw, iling te kedita te menge bitoen doton te langit. Ibegay ko diyà kandan se kedakel te tanà seini. Mèpiya se ibegay ko diyà te kedita te otaw te keneyonan pineokit te bowad-bowad nikaw.

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Genesis 12:3

Mèpiya se ibegay ko diyà te kedita te otaw memegay kamno te mèpiya. Meneng ipelumun ko se kedita te otaw megtompuyus kamno. Pineokit kamno, mèpiya se ibegay ko diyà te kedita te otaw dini te keneyonan.”

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

Ininang 26:8

Ikà niyo eg-aneng-aneng te eked pekebatog se Timanem meg-antay te otaw lekat te nematay.

Ininang 24:21

Benal minikagi a, ‘Impedini a amon insaen a niyo te aldaw seini, so siak se egpemenal te entayen te Timanem se otaw lekat te nematay.’”

Ininang 3:24

“Kedita te telekeliwat te kagi te Timanem gebii, si Samuel aw menge doma telekeliwat neketetondog kandin, minikagi se kedita dan tepad te netoman den seini.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”