Ininang 26:4 - Manobo Sarangani

⁴ “Netegahan te kedita te Judiyo se keogpà ko kedengan lekat te pegketelaki ko doton te Tarso aw penga niyan doton te Jerusalem.

Ininang 26:4 ပူးပေါင်းရင်းမြစ်များ

Galasya 1:13

Dinineg niyo den se kanak keogpà dalem te pegtaking ko te ketanem te menge Judiyo. Ontò ko pinemilang se menge otaw nemenal te Timanem, aw ibeg ko ipeimatay se kedita dan.

2 Timoteo 3:10

Meneng sikona, Timoteo, netegahan no den se kedita intoladà ko, aw eg-inangen ko, aw ibeg te pedowan ko. Kinità no heman se pegsalig ko diyà te Timanem, aw pegkelayat aw pegkedakel te pedowan ko. Kinità no heman se pegtayod ko te kelimahan,

Filipos 3:5

Tinolì a te ikewalo aldaw lekat te pegtebaw ko iling te punù te kemonaan ko. Siak se sebad bowad-bowad i Israel, aw nesakop a diyà te pongan i Benjamin. Ontò a Judiyo, aw timaking a te ketanem te menge kemonaan ko. Ontò a timolò te menge punù ingkeliwat i Moises, so migpesakop a diyà te gropo iningedanan Parisiyo.

Ininang 22:3

“Siaken se doma niyo Judiyo. Timebaw a doton te Tarso, sebad lonsod doton te Silisya. Timilles a dini te Jerusalem. Si Gamaliel se meistro migtoladà kanak. Mig-iling a te kedita te punù egtoloen te kemonaan tadon. Measeb a egtolò te Timanem onawa te keaseb niyo songkani.

Ininang 24:14

Eg-ikagi a te benal diyà kamno. Egsimbahen ko se Timanem egseligan te kemonaan day. Se kebenalan egtekingan ko, yan son dan se kebolalaw. Egtolò a te kedita te punù ingkeliwat i Moises aw menge doma telekeliwat te kagi te Timanem.