Ininang 26:23 - Manobo Sarangani

²³ so kagi dan, keilangan pemilangen se Misiyas aw imetayan. Sikandin son dan se tagnà meantay eked palos todà kematay, aw pineokit kenyan, ipetaga-taga din te doen kelowaan te kedita te otaw lekat te salà, pengkey Judiyo aw kenà Judiyo.”

Ininang 26:23 ပူးပေါင်းရင်းမြစ်များ

Luc. 24:26

Nepela a so wedà niyo ketegahi te eked lowan se Misiyas singed aw onà sikandin imetayan iling te neinang den seini.”

Kolasas 1:18

Sikandin se olo tadon, aw iling kidon te lawa din, so sikandin se egpengibing te kedita tadon egpemenal. Sikandin se egpemegay kenitadon te kaling pedowan, aw sikandin se tagnà neantay lekat te nematay eked palos todà kematay amon mengolo sikandin diyà te kedita te otaw meantay lekat te nematay. Yan se doun te wedad pa labi melangkaw diyà kandin,

Menge Hebreo 2:10

Timanem se miglalang te yan se inangen din, so ibeg te Timanem mig-inang te kedita domuyun kandin, ontò medita se otaw meinang menge batà din aw inangen din melangkaw doma kandin. Yan metòlid se pegpeokit din ki Jesus diyà te kelimahan amon metoman se ibeg din, so pineokit te pegkematay din, impetaga-taga te Timanem te ontò mèpiya si Jesus migtoman te pegpelowà kenitadon lekat te salà.

1 Korinto 15:3

Se intoladà te Timanem kanak, yan se ingkeliwat ko heman diyà kenyo. Seini se kebenalan ontò melangkaw te kedita. Nematay si Cristo amon megpelowà kenitadon lekat te salà, aw yan netoman se kagi te Timanem tapay insolat gebii.

Luc. 2:32

Sikandin se mekelowa te kengitngit kidoen te pedowan te kedita te otaw kenà Judiyo, aw sikandin se megpetaga-taga diyà kenami menge bowad-bowad i Israel pinemallì no te ontò ka melangkaw.”

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Juan 10:18

Wedad megleges kanak, meneng lekat te kanak ibeg, mepakay aw imetayan a. Mepakay aw matay a, aw mepakay heman aw meantay a, so yan se doun te insogò a te Amay ko.”

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Ininang 26:8

Ikà niyo eg-aneng-aneng te eked pekebatog se Timanem meg-antay te otaw lekat te nematay.

Ininang 13:34

Si Jesus se inantay te Timanem lekat te nematay, aw eked sikandin todà kematay, so yan se kagi te Timanem, ‘Ibegay ko kamno se mèpiya impakang ko ki David, aw metoman den iyan.’

Ininang 3:18

Yan netoman se kagi te Timanem ingkeliwat te kedita te telekeliwat din gebii, te pemilangen aw imetayan se Misiyas isogò din.

Juan 11:25

Minikagi si Jesus, “Siaken se meg-antay te otaw lekat te nematay. Siak se egpemegay te kaling pedowan. Pengkey matay se otaw nemenal kanak, meneng meantay sikandin.

Luc. 24:46

Minikagi heman sikandin, “Seini se kagi te Timanem tapay insolat, te keilangan imetayan se Misiyas, aw meantay sikandin lekat te nematay te iketelo te aldaw, aw netoman den iyan.

Mat. 27:53

Limowà dan lekat te lebeng dan, aw penga te pegkeantay i Jesus lekat te nematay, dimoton dan te Jerusalem, aw medita se otaw kimità kandan.

Mat. 26:24

Metoman a imetayan, so yan se insolat gebii tepad kanak Timanem Migpekeotaw. Meneng mekelelayò se otaw megtolok kanak. Mèpiya peden aw wedà sikandin tebaw.”

Ininang 3:24

“Kedita te telekeliwat te kagi te Timanem gebii, si Samuel aw menge doma telekeliwat neketetondog kandin, minikagi se kedita dan tepad te netoman den seini.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.