Ininang 26:18 - Manobo Sarangani

¹⁸ amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Ininang 26:18 ပူးပေါင်းရင်းမြစ်များ

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.

Efeso 5:8

Kedengan, diyà kaw te kengitngitan, so wedà kaw pa ketaga-taga tepad te Timanem. Meneng songkani diyà kaw den te kelowahan, so migpesakop kaw diyà te Pengolo tadon. Yan keilangan imendayan niyo se keogpà niyo diyà te kelowahan.

Ininang 20:32

Ibeg ko, Timanem se megtonggò kenyo. Ibeg ko, tomolò kaw te kagi te Timanem, so mèpiya iyan aw meketabang kenyo. Aw tomolò kaw te kagi din, begayan kaw din heman te ibegay din diyà te kedita te sakop din.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Luc. 1:79

so manyag sikandin diyà kenitadon pengkey iling kidon te otaw eg-ogpà diyà te kengitngitan aw nelemitan te kemetayun, amon ipeokit kidon din kidoen te dalan pesalo doton te kelinaw.”

Efeso 4:18

Wedà dan ketaga-taga te kebenalan. Wedad kaling pedowan imbegay te Timanem kandan, so wedà dan pemenal te kebenalan, aw magsen se olo dan.

2 Korinto 6:14

Ikà niyo egdoma te menge otaw kenà egpemenal, so eked pegpedomaay se otaw diyà te kelowahan aw otaw diyà te kengitngitan. Eked heman pegpedomaay se otaw eg-inang te metòlid aw otaw kenà eg-inang te metòlid.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

1 Juan 1:9

Meneng aw mikagi kidon te benal doen salà tadon, yan pegwedaden te Timanem se salà tadon, aw onawan kidon din lekat te medaet ininang tadon, so egkeseligan sikandin aw metòlid heman se eg-inangen din.

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Impekità 21:27

Meneng wedad palos medaet mekeawop kidoen. Eked heman pekeawop se otaw eg-inang te medaet aw egkebolalaw. Meneng se otaw mekeawop te lonsod sìyan, yan olò se otaw insolat se ngadan dan kidoen te libro sinolatan te Karniro te ngadan te kedita te otaw binegayan te kaling pedowan.

1 Pedro 2:25

Kedengan, iling kaw te menge ayam-ayam karniro egketading. Meneng songkani, timaking kaw den ki Cristo biyasa egpengibing aw eg-ipat kenyo.

Menge Hebreo 11:6

Eked palos keluba se Timanem pineokit te eg-inangen tadon singed aw somalig kidon diyà kandin. Aw megpedapag se otaw diyà te Timanem, keilangan memenal sikandin te doen Timanem, aw keilangan memenal heman sikandin te doen ontong ibegay te Timanem diyà te kedita te otaw mengemahà kandin.

Ininang 13:47

Yan se inangen day so doen kagi te Pengolo insolat, ‘Inangen ko sikona solò amon manyag ka pengkey doton te menge otaw kenà Judiyo, amon mekelowà se kedita te otaw lekat te salà taman te kebelad te keneyonan.’”

Ininang 15:9

Eden niyo aw olò menge Judiyo se linisan din te pedowan lekat te salà, meneng eleg din heman linisan se pedowan te menge otaw kenà Judiyo pineokit te pegpemenal dan kandin.

Ininang 5:31

Penga niyan, inantay sikandin te Timanem metolos aw ininang din melangkaw doton te langit, so sikandin se lomowan kenitadon aw megpelowà kenitadon lekat te salà. Ibeg din megselsel kaw te salà amon pegwedaden din se salà niyo.

Juan 9:5

Aw dini a pa te keneyonan, siaken se kelowahan eg-anyag diyà te pedowan te kedita te otaw te keneyonan.”

Juan 3:19

Seini se doun te ipelumun dan. Pegdateng te iningedanan Lowa dini te keneyonan, neibeg dan te kengitngitan aw kimulu dan te kelowahan, so medaet se eg-inangen dan.

1 Juan 2:12

Menge batà ko te pegpemenal, simolat a den kenyo so ibeg ko megpeaneng-aneng a kenyo te pigwedad den te Timanem se salà niyo pineokit ki Jesu Cristo.

1 Pedro 1:4

Egpeliman kidon te mèpiya ibegay te Timanem kenitadon. Eked iyan pegkedaet, aw eked kebàti, aw wedad heman temanan niyan, so intagò din doton te langit.

Juan 17:17

Se kedita te sakop ta, ibeg ko inangen no dan otaw ontò egpenimanem pineokit te kebenalan lekat kamno, so benal se kedakel te kagi nikaw.

Luc. 1:77

so sikona se megpetaga-taga diyà te menge Judiyo te ipelowà din se menge sakop din lekat te pelumun aw pegwedaden din se salà tadon.

Judas 1:1

Se solat seini lekat kanak si Judas, kedowa i Santiago, aw sineligan i Jesu Cristo. Seini se solat ko te kedita niyo tinawal te Timanem. Egkedekelan kaw te Timanem Amay tadon te pedowan, aw eg-ipaten kaw i Jesu Cristo.

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Menge Hebreo 10:14

Mekesebad olò se pegkematay i Cristo, aw pineokit kenyan, eg-aneng-aneng den se Timanem te metòlid kidon den te wedad temanan tandà te peglinis din kenitadon lekat te salà.

Galasya 3:14

Pineokit te pegkematay i Jesu Cristo, se kèpiyaan impakang te Timanem ki Abraham gebii, yan se minapet den diyà te kedita te otaw pengkey kenà Judiyo, amon mekekinawà kidon te Espiritu Santo, sìyan impakang te Timanem ibegay diyà te kedita te otaw memenal.

Luc. 24:45

Penga niyan, migtabang si Jesus kandan amon mekelabet dan te kedegdagan te kagi te Timanem insolat gebii.

2 Timoteo 2:26

Yan mekelowà dan lekat te belad i Satanas, so sikandin se tapay migdakep kandan, aw kandin ibeg se egtoloen dan.

Efeso 2:8

Pineokit te tabang te Timanem, impelowà kaw din lekat te salà te pegpemenal niyo ki Cristo kenà pineokit te inang niyo, meneng pineokit te bowang te Timanem kenyo.

Efeso 1:11

Lekat te ibeg te Timanem se kedita te eg-inangen din. Yan pinemallì kidon din gebii te wedà din pa inangi se keneyonan amon meinang kidon menge sakop din pineokit ki Cristo.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Luc. 2:32

Sikandin se mekelowa te kengitngit kidoen te pedowan te kedita te otaw kenà Judiyo, aw sikandin se megpetaga-taga diyà kenami menge bowad-bowad i Israel pinemallì no te ontò ka melangkaw.”

Mat. 4:16

pengkey iling te eg-ogpà dan doton te kengitngitan, meneng kitaen dan se ontò melowa. Pengkey eg-ogpà dan doton te kengitngitan aw egkelemitan dan te kemetayun, meneng egkeenyagan dan.”

Menge Hebreo 10:10

So timoman si Jesu Cristo te ibeg te Timanem, yan lininisan kidon den lekat te salà pineokit te pegpemegay din te kandin lawa te mekesebad olò imetayi, so botong se sebad pegkematay din.

Menge Hebreo 9:15

Yan si Cristo se mig-inang te kaling peokit amon mepakay kominawà se kedita tadon tinawal te Timanem te mèpiya impakang din kenitadon te wedad temanan. Mekinawà tadon se mèpiya sìyan, so pineokit te pegkematay i Cristo, impelowà kidon den lekat te salà ininang tadon dalem te pegtaking tadon te tapay peokit.

Efeso 5:14

Aw doen manyag, keenyagan se kedita. Yan se doun te doen eg-ikegiyen seini. “Aw timedogi ka pa, keloka ka den. Aw nematay ka pa, keantay ka den lekat te nematay, So keenyagan kaw den i Cristo.”

Efeso 1:14

So impeogpà din se Espiritu Santo diyà kenitadon, netegahan tadon te kominawà kidon te kedita te kèpiyaan impakang din kenitadon, aw ontò kidon din heman ipelowà. Yan se doun te iduyun tadon sikandin.

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Galasya 3:2

Netegahan niyo den te nekekinawà kaw te Espiritu Santo kenà pineokit te pegtolò niyo te punù ingkeliwat i Moises. Meneng nekekinawà kaw te Espiritu Santo pineokit te pegpemenal niyo te intoladà ko tepad ki Jesus.

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

Roma 8:17

So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

Ininang 26:23

so kagi dan, keilangan pemilangen se Misiyas aw imetayan. Sikandin son dan se tagnà meantay eked palos todà kematay, aw pineokit kenyan, ipetaga-taga din te doen kelowaan te kedita te otaw lekat te salà, pengkey Judiyo aw kenà Judiyo.”

Ininang 10:43

Kedita te telekeliwat te kagi te Timanem simolat te pegwedaden se salà te kedita te otaw memenal ki Jesus.”

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

Juan 9:39

Minikagi si Jesus, “Insogò a dini te keneyonan amon ipekità ko se awop te pedowan te kedita te otaw. Se otaw iling te bota so wedà dan kità te kebenalan, yan se tebangan ko amon komità dan. Meneng se otaw eden dan aw kimità dan te kebenalan, yan se pekitaan ko te iling dan te otaw bota.”

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Mat. 4:10

Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

Ininang 26:19

“Sir, penga niyan, tinolò ko se impekità din kanak lekat te langit.

Efeso 5:11

Ikà niyo eg-inabut te inang wedad ontong eg-inangen te menge sakop te kengitngitan. Meneng keilangan ipekità niyo te medaet se eg-inangen dan.

Efeso 6:12

Kenà otaw se bolawen tadon, meneng bolawen tadon se mededaet sogounun i Satanas pengkey melangkaw dan, aw egbayà-bayà te otaw dini lanto te tanà eg-ogpà diyà te kengitngitan, aw kedita te bosaw metolos eg-inang te medaet.