Ininang 26:11 - Manobo Sarangani

¹¹ Melikit ko dan ipegpelumun doton te kedita te simbahan te Judiyo, so ibeg ko peden, lomengà dan te pegpemenal dan ki Jesus. Ontò a neopal kandan, aw pinemilang ko dan pengkey doton te mediyò lonsod.

Ininang 26:11 ပူးပေါင်းရင်းမြစ်များ

Ininang 22:19

Minikagi a diyà te Pengolo, ‘Meneng aneng-aneng ko menenalan dan, so netegahan dan te siaken se timeped te kedita te simbahan te Judiyo amon dekepen ko aw bedasen ko se kedita te otaw nemenal diyà kamno.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Mat. 10:17

Peg-ahà kaw te menge mededaet otaw, so ibingen kaw dan doton te howis, aw bedasen kaw dan kidoen te simbahan te Judiyo.

Ininang 22:5

Netegahan iyan te ontò pengolo te simbahan aw kedita te menge obanen, so sikandan se simolat diyà te doma dan doton te Damasko te mepakay aw domoton a amon dekepen ko se menge otaw nemenal ki Jesus, so ibeg ko ibingen ko dan dini te Jerusalem amon ipelumun.

Ininang 9:1

Nayan, dalem niyan, gayed egkeopal si Saulo aw egbentakan din se kedita te otaw egpemenal te Pengolo. Dimoton sikandin te ontò pengolo te simbahan te Jerusalem,

2 Pedro 2:16

Meneng migsagda se Timanem kandin. Impeikagi te Timanem se kodà iningedanan asno sinekayan din iling te kagi te otaw, aw yan nebelebagan se tod din medaet.

Santiago 2:7

aw egtompuyus ki Jesu Cristo simakop kenyo.

Ininang 18:6

Meneng neopal se menge Judiyo ki Pablo, aw migtompuyus dan kandin. Penga niyan, imbuya-buya i Pablo se saol din amon ketegahan dan te doen salà dan, so wedà dan pemenal. Minikagi sikandin, “Aw ipelumun kaw, inday kenyo aw yan se ibeg niyo. Wedad labut ko. Lekat seini, megtoladà a te menge otaw kenà Judiyo.”

Luc. 21:12

Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

Luc. 15:17

Meneng mig-aneng-aneng sikandin, ‘Se kedita te otaw egterbaho kidoen te amay ko, ontò dakel se kànen dan. Meneng siak, agpet a matay dini tandà te ballos ko.

Luc. 6:11

Meneng ontò neopal se menge Parisiyo aw menenoladà te punù. Yan migpebelaw-belaway dan aw menonen dan si Jesus.

Mar. 13:9

“Meneng peg-ahà kaw, so ibingen kaw te doma otaw doton te howis, aw bedasen kaw dan kidoen te menge simbahan te Judiyo. Ipeibing kaw doton te menge gobirnador aw selotan tandà te pegpesakop niyo diyà kanak, amon mekeindan kaw te kebenalan tepad kanak diyà kandan.

Mar. 3:28

“Eneng-enengi niyo se kagi ko kenyo. Pengkey eden kemoloi te salà inangen te otaw, mepakay iyan pegwedaden te Timanem, pengkey megtompuyus dan kandin.