Ininang 24:5 - Manobo Sarangani

⁵ Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Ininang 24:5 ပူးပေါင်းရင်းမြစ်များ

Ininang 28:22

Meneng netegahan day olò te doen ekon otaw doton te kedita te doma lonsod neopal diyà te menge otaw egpemenal. Yan ibeg day menenalan te kamno kagi.”

Ininang 24:14

Eg-ikagi a te benal diyà kamno. Egsimbahen ko se Timanem egseligan te kemonaan day. Se kebenalan egtekingan ko, yan son dan se kebolalaw. Egtolò a te kedita te punù ingkeliwat i Moises aw menge doma telekeliwat te kagi te Timanem.

Ininang 26:5

Aw meg-insà ka kandan, mekeindan dan te benal, so netegahan dan te ontò a egtolò te ketanem te menge Judiyo, so siaken se migpelenged te menge Parisiyo.

Ininang 15:5

Meneng timindeg se menge sakop te Parisiyo egpemenal ki Jesus. Yan se menge otaw ontò egtolò te punù ingkeliwat i Moises. Minikagi dan, “Eked tadon peekopi se menge otaw kenà Judiyo singed aw tolien dan aw tomolò dan te kedita te punù ingkeliwat i Moises.”

1 Korinto 4:13

Aw bàtan-bàtan kay, egtaba kay te mèpiya. Lamig seini, se aneng-aneng te otaw dini te keneyonan, iling kay te sagbet iagbel so wedad ontong.

Ininang 21:28

Migbelobansag dan, kagi dan, “Menge kedomaan day bowad-bowad i Israel, telebani kay. Seini se otaw egtoladà diyà te kedita te otaw te lindoan kidon Judiyo, aw simbahan seini egpenimeneman, aw punù ingkeliwat i Moises. Labi pa medaet se ininang din seini, so inibing din se otaw kenà Judiyo dini didalem te dakel simbahan seini egpenimeneman, pengkey eked iyan kepakay.”

Ininang 5:17

Nayan, ontò neopal se ontò pengolo te simbahan aw menge otaw ketondog kandin, yan se menge Sadusiyo. Miningà dan te menge sogounun i Cristo aw

Luc. 23:2

Migdimanda dan tepad ki Jesus, kagi dan, “Kinità day se otaw seini megsamok peden te pongan day, so migtoladà sikandin te eked kepakay aw mayad kay te mihoras diyà te gobirno te Roma. Migpelingo-lingo heman sikandin Misiyas, sìyan selotan lomowan kenami.”

1 Pedro 2:19

So aw tomayod kaw te pemilang pengkey wedad medaet ininang niyo, yan meluba se Timanem kenyo, so netegahan niyo te yan se ibeg te Timanem inangen niyo.

1 Korinto 11:19

Doen kèpiyaan aw wedà pegsebad se pedowan niyo, so pineokit kenyan, ketegahan aw sinu se egtaking te kebenalan.

Ininang 22:22

Pegdineg dan te isogò sikandin doton te menge otaw kenà Judiyo, wedà dan ebey penenalan kandin. Migbelobansag dan, kagi dan, “Imetayan tadon den sikandin. Mèpiya pa aw matay sikandin.”

Ininang 6:13

Timindeg se menge doma otaw migkebolalaw, kagi dan, “Sikandin se eglindò te simbahan seini egpenimeneman. Egtompuyusen din heman se punù egtoloen tadon ingkeliwat te kemonaan tadon si Moises.

Luc. 23:25

Yan impelowà din lekat te keleboso se otaw pinemallì dan, sìyan otaw minato te gobirno aw nemonò. Meneng si Jesus se impeibing din amon imetayan, so yan se ibeg dan.

Luc. 23:19

Na, si Barabas se nekeleboso pa, so sikandin se pengolo te otaw minato te gobirno kidoen te Jerusalem, aw doen heman otaw inimetayan din.

Luc. 23:5

Meneng labi dan pa migleges kandin, kagi dan, “Gayed sikandin egsamok te kedita te otaw, so yan se ipegtoladà din kidoen te kebelad te Judiya, lekat te Galiliya taman dini.”

Mat. 10:25

Keilangan meluba se meiskwilahay aw mapet se kelangkaw din diyà te kelangkaw te meistro migtoladà kandin. Keilangan meluba heman se sineligan aw mapet se kelangkaw din diyà te kelangkaw te amo din. Netegahan niyo den te tinawal a te doma otaw Belsebul, se doma ngadan i Satanas. Na, aw medaet se intawal dan te Pengolo niyo, labi pa medaet se itawal dan kenyo menge sakop ko.”

Mat. 2:23

Mig-ogpà dan doton te lonsod te Nasarit. Yan netoman se inikagi te menge telekeliwat te kagi te Timanem te tewalen si Jesus tege Nasarit.

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Ininang 24:4

Eked a den ikagi diyà kamno te menamay. Yan keidowi a aw penenalan ka te kagi ko kamno.

Ininang 25:7

Pegdateng i Pablo doton kandin, timindeg se menge Judiyo kenà egpemenal dimateng lekat te Jerusalem. Mig-indan dan te medita se medaet ininang i Pablo, meneng wedad kebenalan impekità dan.