Ininang 21:3 - Manobo Sarangani

³ Kinità day se polò te Sipro, meneng limaklak kay kidoen digsel te lawod. Dimeleg kay doton te Sirya. Migdong kay doton te Tiro so doen in-awas kidoen.

Ininang 21:3 ပူးပေါင်းရင်းမြစ်များ

Ininang 27:4

Pegsakay day lekat te Sidon, minokit kay doton te keselibengan te kelamag kidoen te dibaloy te polò iningedanan Sipro, so wedà kay pekesongsong.

Ininang 21:16

Doen menge otaw egpemenal lekat te Sesarya timaking kenami. In-ated kay dan doton te balay te sebad otaw lekat te Sipro si Mason, nenamay den nemenal ki Cristo. Mig-ogpà kay kidoen kandin.

Ininang 12:20

Doen aldaw ontò neopal se selotan si Herod te menge tege Tiro aw tege Sidon. Nayan, dimoton dan kandin amon megkità, so eg-ebaten dan se kànen dan lekat te lonsod nesakop kandin. Impetaking dan se sebad otaw egtelaban ki Herod si Blasto.

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

Ininang 18:18

Nenamay si Pablo mig-ogpà doma te menge otaw egpemenal kidoen te Korinto. Pegkesayo din, timaking heman si Akilas aw esawa din si Priscila. Binolo si Pablo doton te Sengkriya, so yan se pengilala te tinoman din den se pakang din diyà te Timanem. Penga niyan, simakay se telo dan te dakel belangay pesalo doton te Sirya.

Ininang 15:41

Tineped dan se menge lonsod doton te probinsya te Sirya aw Silisya. Inantag dan se pedowan te menge otaw egpemenal amon melobos se pedowan dan diyà te Timanem.

Ininang 15:39

Yan migpedindilay si Bernabe aw si Pablo, aw yan se doun te migsoway dan. Penga niyan, impetaking i Bernabe si Marcos, aw simakay dan te dakel belangay pesalo doton te Sipro.

Ininang 15:23

Seini se kagi te solat impeibing kandan. “Menge kedowa day kenà Judiyo doton te Antyokya, aw Sirya, aw Silisya. Se simolat kani, yan se menge sogounun i Cristo aw egpengibing te simbahan. Sikami se kedowa niyo.

Ininang 13:4

Insogò se didowa dan te Espiritu Santo aw yan timegbeng dan pesalo doton te Silusya, aw simakay dan te dakel belangay pesalo doton te polò iningedanan Sipro.

Ininang 11:19

Pegkematay i Esteban, pinemilang se menge otaw egpemenal. Pegkadas dan, migbilit-bilit dan doton te Fenisya, aw Sipro, aw Antyokya kidoen te Sirya. Mig-indan dan te kagi te Timanem diyà te doma dan menge Judiyo mig-ogpà kidoen.

Luc. 10:13

“Mekelelayò kaw tege Korasin. Mekelelayò kaw heman tege Bitsayda, so wedà kaw pegselsel. Aw impekità diyà te tege Tiro aw tege Sidon gebii se inang metolos impekità ko kenyo, nenaol den dan peden te sako aw migbodbod den dan peden te abo diyà te olo dan amon ipetaga-taga dan te migselsel dan te salà dan ontò medaet.

Luc. 2:2

Yan se tagnà pegpelista te ngadan, aw ininang iyan dalem te peggobirnador i Cirenio kidoen te Sirya.

Mat. 11:21

Minikagi sikandin, “Mekelelayò kaw tege Korasin. Mekelelayò kaw heman tege Bitsayda, so wedà kaw pegselsel. Aw impekità diyà te tege Tiro aw tege Sidon gebii se inang metolos impekità ko kenyo, nenaol den dan peden te sako aw migbodbod den dan peden te abo diyà te olo dan amon ipetaga-taga dan te migselsel dan te salà dan ontò medaet.

Ininang 21:2

Pegdateng day doton, netelaan day se doma belangay pesalo doton te Fenisya. Yan simakay kay aw nesayo.

Ininang 21:7

Pegsakay day lekat te Tiro, dimoton kay te Tolemay. Timenà kay kidoen, aw limaoy kay te menge otaw egpemenal. Minidegà kay kidoen te sebad se delem.