Ininang 20:7 - Manobo Sarangani

⁷ Pegkedelem te Sebado, netipon se kedita day amon megbelà-belà te pan iling te pegtoladà i Jesus kedengan. Timetoo si Pablo migtoladà lamig te tengà te delem, so ibeg din mesayo te keeldawan niyan.

Ininang 20:7 ပူးပေါင်းရင်းမြစ်များ

1 Korinto 16:2

Seini se inangen niyo. Kelikit te Linggo, itagò te teg sebad-sebad kenyo se kwarta ibegay lekat te neabat niyo te monà simana, amon tapay meketagad se ibowang niyo aw lomaoy a todà kidoen kenyo.

Ininang 2:42

Ebey dan nenenalan te intoladà te menge sogounun i Cristo. Egpetekingay se otaw egpemenal, aw egtipon dan amon megtawal-tawal diyà te Timanem, aw amon megbelà-belà te pan, iling te pegtoladà i Jesus kandan kedengan.

Juan 20:19

Pegkedelem te Linggo sìyan, netipon se menge tinoledaan i Jesus kidoen te sebad balay, aw tinakep dan se lelebangan niyan amon eked dan kitai, so nelemitan dan te menge obanen te Judiyo. Pengkey netakep se lelebangan, meneng pegketà dimateng si Jesus timindeg kidoen te tengà-tengà dan, aw minikagi, “Ibeg ko melinaw se pedowan niyo.”

Juan 20:1

Nayan, te wedà pa libtak se aldaw te iselem te Linggo, ontò limapos si Maria tege Magdala dimoton te lebeng i Jesus. Kinità din se lebeng din neowang so tapay den nekelid se dakel bato insampeng.

Impekità 1:10

Aldaw te Linggo te pegsimba diyà te Pengolo tadon, doen impekità te Espiritu Santo dimateng kanak. Doen dinineg ko minikagi kidoen te getan ko. Iling te peg-edop te bodyong se peg-ikagi din, so ontò dakel.

Ininang 20:11

Neantay se telaki aw inibing dan doton te balay din. Ontò neluba se kedita te otaw. Pegpenayit i Pablo doton te balay, pigbelà-belà din se pan aw kimaen kay. Nenamay kay migsempetanun lamig te peglibtak te aldaw. Penga niyan, nesayo kay si Pablo.

Ininang 28:23

Penga niyan, pinemallì dan se aldaw aw kano dan ketipon. Pegdateng te aldaw sìyan, ontò medita se otaw netipon doton te balay inogpaan din. Lekat te iselem lamig te meapon, migtoladà si Pablo kandan. Mig-indan sikandin kandan tepad te peglowan te Timanem, aw miglebad-lebad sikandin te punù ingkeliwat i Moises aw insolat te menge doma telekeliwat te kagi te Timanem amon memenal se otaw ki Jesus.

Ininang 20:9

Doen sebad telaki si Eutico nenenoo doton te bintanà. Pegtoladà i Pablo te nenamay, ontò nepilot si Eutico. Pegketedogi din, nedagdag doton te tanà lekat te iketelo kunsad te balay. Pegdateng dan doton kandin, nematay den.

Luc. 24:35

Penga niyan, mig-indan se didowa dan kaling dimateng tepad te neinang kandan kidoen te dalan, aw pegkilala dan kandin te pegbelà-belà din te pan.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

1 Korinto 10:16

Seini se mèpiya inangen tadon aw metipon kidon, amon eneng-enengen tadon se pegkematay i Cristo kenitadon. Aw minem kidon te tabò, onà kidon megtawal-tawal diyà te Timanem aw megpesiontong kidon diyà kandin kenyan. Aw minem kidon diyà te tabò sìyan, yan ipetaga-taga tadon te migsebad kidon den ki Cristo pineokit te dipanog din te pegkematay din doton te kros. Aw komaen kidon te pan binelà-belà, yan ipetaga-taga tadon heman te migsebad kidon den ki Cristo pineokit te lawa din nematay doton te kros.

Ininang 20:31

Yan peg-ahà kaw. Ikà niyo egkelibel kani. Gayed a migtoladà kenyo te aldaw aw delem dalem te telo se omay. Migkelag a heman so dakel se pedowan ko kenyo.

Ininang 2:46

Kelikit te aldaw, netipon se kedita dan doton te dakel simbahan te Jerusalem, aw migbelà-belà dan te pan doton te kandan balay. Neluba se pedowan dan te pegsebad dan pegpengaen.

Juan 20:26

Penga te sebad simana, todà netipon se menge tinoledaan i Jesus doton te balay, aw kidoen heman si Tomas doma dan. Netakep se lelebangan, meneng pegketà dimateng si Jesus timindeg diyà te tengà-tengà dan, aw minikagi, “Ibeg ko melinaw se pedowan niyo.”

Luc. 22:19

Nengabat heman sikandin te pan. Penga te pegpesiontong din, binelà-belà din iyan, aw inteped din diyà kandan, aw minikagi, “Se pan seini, yan se lawa ko [imetayan amon mekelowà kaw. Inangi niyo iling kani amon gayed a niyo keeneng-enengan.”

2 Timoteo 4:2

Pegtoladà ka te kagi te Timanem. Keilangan megpeketagad ka megtoladà kenyan pengkey meibeg aw eked keibeg se menge otaw menenalan. Pegpetaga-taga ka diyà te menge otaw te kemalì dan. Pegsagda ka te otaw eg-inang te medaet. Peg-antag ka te pedowan te menge otaw kenà melobos se pedowan dan. Keilangan gayed medalem se pedowan no dalem te pegtoladà no kandan.

Mar. 16:9

Nayan, penga te pegkeantay i Jesus lekat te nematay te iselem te Linggo, si Maria tege Magdala se tagnà pinekitaan i Jesus. Sikandin se tapay pinelowaan i Jesus te pito se bosaw.

Ininang 16:10

Penga niyan, nengemahà kay te sekayan day pesalo doton te Masidonya, so netegahan day te insogò kay te Timanem doton kandan amon megtoladà kay kandan te Mèpiya Indan tepad ki Jesus.

Ininang 20:5

Minonà se kedita dan simakay te belangay pesalo doton te Troas, aw migtagad dan kenami kidoen.