Ininang 20:6 - Manobo Sarangani

⁶ Inapit a i Pablo doton te Filipos. Mig-ogpà kay kidoen taman te pegkepenga te pista te pegpengaen te pan kenà eglebag. Penga niyan, simakay kay te dakel belangay. Penga te lima se delem, nengonsaeb kay kandan doton te Troas. Mig-ogpà kay kidoen te sebad simana.

Ininang 20:6 ပူးပေါင်းရင်းမြစ်များ

Ininang 12:3

Yan neluba se menge Judiyo kenà egpemenal. Pegketaga-taga i Herod te neluba dan kenyan, impedakep din heman si Pedro. Neinang iyan dalem te pista te pegpengaen te menge Judiyo te pan kenà eglebag.

Ininang 16:12

Lekat kidoen, minipanaw kay doton te Filipos. Yan se ontò dakel lonsod doton te Masidonya, aw sakop te Roma se menge otaw eg-ogpà kidoen. Nenamay-namay kay mig-ogpà kidoen.

2 Timoteo 4:13

Aw domini ka, ibingi diyà se saol ko medikemel, sìyan tinenanan ko ki Carpo doton te Troas. Ibingi heman se menge libro. Keilangan ibingen no heman dini se menge doma solat.

1 Tesalonika 2:2

Te wedà kay pa doton kenyo, ontò medaet se ininang kenami, aw tinompuyus kay doton te Filipos. Meneng pegdateng day doton kenyo, tinebangan kay te Timanem aw yan wedad ketalaw day te pegtoladà day kenyo te Mèpiya Indan lekat te Timanem. Yan se ininang day pengkey medita se otaw migpoon kenami.

Filipos 1:1

Seini se solat ko, si Pablo, doma ki Timoteo, didowa kay insogò i Jesu Cristo. Seini se solat day te kedita niyo menge sakop te Timanem kidoen te lonsod te Filipos. Simolat kay heman te menge egpengibing kenyo aw menge doma opisyal te simbahan.

Ininang 28:14

Netelaan day se menge otaw egpemenal kidoen te Putiyoli. Nemoyò dan te meg-ogpà kay kidoen kandan te sebad simana. Penga niyan, minipanaw kay pesalo doton te Roma.

Ininang 21:8

Keeldawan niyan, nesayo kay pesalo doton te Sesarya. Pegtenà day, dimeleg kay doton te balay i Felipe aw mig-ogpà kay kidoen. Si Felipe se sebad diyà te pito otaw migtelaban te menge sogounun i Cristo doton te Jerusalem. Sikandin heman se menenoladà te kagi te Timanem.

Ininang 21:4

Netelaan day se menge doma otaw egpemenal kidoen, aw mig-ogpà kay kidoen kandan te sebad simana. Ingkeliwat dan ki Pablo se kagi te Espiritu Santo te eked sikandin kepakay domoton te Jerusalem.

Ininang 16:8

Penga niyan, lineklakan dan se Misya aw dimeleg dan doton te Troas.

Ininang 16:10

Penga niyan, nengemahà kay te sekayan day pesalo doton te Masidonya, so netegahan day te insogò kay te Timanem doton kandan amon megtoladà kay kandan te Mèpiya Indan tepad ki Jesus.

Ininang 20:5

Minonà se kedita dan simakay te belangay pesalo doton te Troas, aw migtagad dan kenami kidoen.

Ininang 20:16

Wedà kay apit doton te Efeso, so eked keibeg si Pablo aw menamay kay doton te Asya. Nesasaw sikandin amon domateng kay doton te Jerusalem te eked pa dateng se aldaw te pista iningedanan Pentekostes.