Ininang 2:9 - Manobo Sarangani

⁹ Medita se ogpeanan tinikedowan tadon, so doen menge tege Partya, aw tege Medya, aw tege Elam. Doen menge otaw lekat te Mesopotamya, aw Judiya, aw Kapadosya, aw Ponto, aw Asya.

Ininang 2:9 ပူးပေါင်းရင်းမြစ်များ

1 Pedro 1:1

Se solat seini lekat kanak si Pedro. Siak se sebad sogounun i Jesu Cristo. Seini se solat ko te kedita niyo menge sakop te Timanem impekadas lekat te kenyo ogpeanan, aw eg-ogpà den doton te menge probinsya te Ponto, Galasya, Kapadosya, Asya, aw Bitinya.

Impekità 1:4

Siak si Juan se simolat kani diyà te kedita niyo menge sakop te pito simbahan kidoen te probinsya te Asya. Ibeg ko tebangan kaw aw begayan kaw heman te kelinaw te pedowan lekat te Timanem, aw Espiritu Santo, aw si Jesu Cristo. Gayed doen Timanem pengkey seini, aw gebii, aw modi heman aldaw. Se Espiritu Santo insogò lekat te langit, gayed din ipegpetaga-taga te metolos sikandin pineokit te pito keokit. Keseligan se kagi i Jesu Cristo. Sikandin se tagnà neantay lekat te nematay amon mengolo diyà te kedita te otaw meantay lekat te nematay. Sikandin se eglowan diyà te kedita te selotan dini te keneyonan. Dakel se pedowan din kenitadon, aw yan impelowà kidon din lekat te salà tadon pineokit te dipanog din te pegkematay din doton te kros.

2 Timoteo 1:15

Netegahan no besi te tininggetanan a te kedita te otaw egpemenal dini te probinsya te Asya, pengkey si Figelo aw si Hermogenes.

Ininang 18:2

Kinità din kidoen se sebad Judiyo si Akilas timebaw doton te Ponto, kaling dimateng lekat te Italya sipat esawa din si Priscila, so migpunù se selotan si Claudio te mesayo se kedita te Judiyo lekat te Roma kapital te Italya. Gimemaw si Pablo diyà kandan.

Ininang 16:6

Migtoladà dan te kagi te Timanem doton te menge lonsod kidoen te Frigya aw Galasya, so sinagda dan te Espiritu Santo te eked dan pegtoladà doton te Asya.

Ininang 19:10

lamig te dowa se omay. Yan netegahan te kedita te otaw kidoen te Asya se kagi te Pengolo. Netegahan iyan te menge otaw Judiyo aw menge otaw kenà Judiyo.

Ininang 6:9

Doen menge otaw migdindil kandin. Sikandan se menge tege Sirene aw tege Alejandriya egsimba doton te simbahan iningedanan “Tengke Otaw Nekelowà,” aw menge doma dan tege Silisya, aw tege Asya.

Genesis 24:10

Penga niyan, nengabat se sineligan te sempolò kamilo te amo din, aw inlolan din se medita kemolò te mèpiya bowang ipeibing te amo din si Abraham. Nesayo sikandin aw dimoton te lonsod inogpaan te kedowa i Abraham si Nahor kidoen te Mesopotamya.

Genesis 14:1

Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.

Impekità 1:11

Minikagi sikandin, “Solati se kitaen no, aw peibingi iyan doton te menge sakop te pito simbahan kidoen te Efeso, aw Ismirna, aw Pergamo, aw Tiyatira, aw Sardis, aw Filadelfya, aw Layodisiya.”

2 Korinto 1:8

Menge kedowa ko, ibeg ko, metaga-taga kaw tepad te kelimahan neokitan ko doton te Asya, so ontò iyan dakel aw pelaban mebegat. Eden ko aw yan den se aldaw te pegkematay ko,

1 Korinto 16:19

Se kedita te otaw egpemenal dini te probinsya te Asya, ibeg dan metaga-taga kaw te eg-aneng-aneng dan kenyo. Doen heman inikagi i Akilas aw esawa din si Priscila, sipat kedita te otaw egtipon aw egsimba doton te balay dan, te eg-aneng-aneng dan kenyo, so migsebad se pedowan niyo te Pengolo tadon.

Roma 16:5

Indani niyo heman se kedita te otaw egsimba doton te kandan balay te eg-aneng-aneng a kandan. Indani niyo heman se sigalak ko si Epeneto te eg-aneng-aneng a kandin. Sikandin se tagnà otaw simalig diyà ki Cristo doton te probinsya te Asya.

Ininang 20:18

Pegdateng dan doton te Mileto, minikagi si Pablo, “Netaga-taga kaw den te eg-inangen ko doton kenyo lekat te pegdateng ko doton te Asya.

Ininang 20:16

Wedà kay apit doton te Efeso, so eked keibeg si Pablo aw menamay kay doton te Asya. Nesasaw sikandin amon domateng kay doton te Jerusalem te eked pa dateng se aldaw te pista iningedanan Pentekostes.

Ininang 19:31

Doen menge doma otaw melangkaw sigalak din migpunù kandin te eked sikandin doton amon eked heman elegi.

Ininang 19:27

Medaet iyan, so wedad nael otaw mayad te eg-inangen tadon. Medaet heman so wedad den megsagman te simbahan te melangkaw inotaw tadon si Diana. Sikandin se egsimbahen te kedita te otaw dini te Asya aw doton te kebelad te keneyonan. Ontò medaet aw eked dan pegtawal-tawal kandin.”

Ininang 7:2

Timaba si Esteban, kagi din, “Menge kedowa aw emayen ko, penenalan kaw kanak. Gebii pa te peg-ogpà i Abraham doton te Mesopotamya, te wedà pa alin doton te Haran, migpekità se Timanem diyà kandin lekat te langit.

Genesis 10:22

Se menge batà i Sem, yan si Elam, si Asur, si Arfacsad, si Lud, aw si Aram, aw yan heman se ngadan te menge bowad-bowad dan.

Ininang 2:8

meneng nekeikagi dan te medita kemolò kagi tadon wedà dan palos peg-ilingi.

Ininang 20:4

Doen menge otaw timaking kandin pesalo doton te Jerusalem, yan se batà i Piro si Sopater tege Berya, aw si Aristarco aw si Segundo didowa dan tege Tesalonika, aw si Gayo tege Derbe, aw si Tikico aw si Trofimo didowa dan tege Asya, aw si Timoteo.

Ininang 21:27

Sagwa agpet den metagkas se pito se aldaw, doen menge Judiyo kenà egpemenal lekat te Asya kimità ki Pablo kidoen te dakel simbahan. Yan timawal dan diyà te menge doma otaw amon megtelaban dan megdakep ki Pablo.

Ininang 24:18

Dalem niyan, kidoen a te dakel simbahan so tinoman ko se pakang ko diyà te Timanem. Wedad palos otaw pigtipon ko. Wedà a pegsamok te doma otaw. Meneng doen menge Judiyo lekat te Asya kimità kanak.

Ininang 27:2

Timaking heman kenami si Aristarco tege Tesalonika sakop te Masidonya. Doen dakel belangay dimateng lekat te Adramito megpesalo doton te menge lonsod te Asya, aw yan se sinekayan day lekat te Sesarya.