Ininang 2:5 - Manobo Sarangani

⁵ Doen medita Judiyo egpenimanem kidoen te Jerusalem lekat te kedita te ogpeanan te keneyonan.

Ininang 2:5 ပူးပေါင်းရင်းမြစ်များ

Luc. 2:25

Nayan, doen sebad tege Jerusalem si Simeon. Eg-inang sikandin te metòlid, aw egtolò heman te Timanem. Gayed sikandin egpeliman te megpelowà se Timanem te menge bowad-bowad i Israel. Eg-ogpaan sikandin te Espiritu Santo,

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Ininang 22:12

Doen sebad otaw eg-ogpà kidoen si Ananias ontò measeb egtolò te punù ingkeliwat i Moises aw induyun te kedita te Judiyo.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.

Ininang 10:7

Peg-olì te anghil doton te langit, tinawal i Cornelio se dowa sineligan din aw sebad sondalo egpenimanem aw egkeseligan din.

Ininang 10:2

Egpenimanem sikandin pengkey kenà Judiyo. Gayed sikandin egtolò te Timanem sipat menge doma otaw eg-ogpà diyà te balay din. Egtebangan din se menge Judiyo nelimahan, aw gayed egtawal-tawal diyà te Timanem.

Ininang 8:27

Nayan, timolò si Felipe aw dimoton te dalan intedò kandin. Na, doen sebad otaw tege Etyopya tapay dimoton te Jerusalem amon megsimba kidoen. Melangkaw se gulal din, so sikandin se tesorero te bayi eglowan doton te Etyopya, sìyan egtewalen Kandaki.

Ininang 2:1

Pegdateng te aldaw te pista iningedanan Pentekostes, netipon se kedita te otaw nemenal ki Jesus doton te sebad balay.

Juan 12:20

Doen heman menge otaw Griego timaking te menge Judiyo dimoton te Jerusalem amon megsimba dan kidoen dalem te pista.

Luc. 24:18

Penga niyan, timaba se sebad si Cleopas, kagi din, “Tay law, elew. Nepela a, so pengkey gimemaw ka doton te Jerusalem, meneng wedà ka kedì ketaga-taga aw eden se neinang kidoen te menge aldaw seini.”

Luc. 17:24

so ontò metaen se peglikò ko iling te kilem ontò somiblat doton te kebelad te langit aw kitaen te kedita te otaw. Iling heman kenyan se pegdateng ko Timanem Migpekeotaw.

Mat. 24:14

Onà itoladà se Mèpiya Indan tepad te peglowan te Timanem doton te kebelad te keneyonan, amon domineg se kedita te otaw. Penga niyan, domateng se temanan te keneyonan.”