Ininang 2:47 - Manobo Sarangani

⁴⁷ Gayed dan ipegduyun se Timanem. Sinagman dan te menge doma otaw. Kelikit te aldaw, dinogangan te Pengolo se otaw nemenal.

Ininang 2:47 ပူးပေါင်းရင်းမြစ်များ

Ininang 16:5

Yan nelobos se pegsalig te menge otaw egpemenal te Timanem, aw doen heman menge doma otaw nemenal te Timanem te kelikit te aldaw.

1 Korinto 1:18

Pengkey eg-aneng-aneng se otaw kenà egpemenal te wedad ontong te kebenalan ipegtoladà ko tepad te pegkematay i Cristo doton te kros, meneng sikitadon egpemenal se netaga-taga te egpelowà den se Timanem te otaw lekat te salà pineokit te pegkematay i Cristo.

Ininang 2:41

Penga niyan, binonyagan dan se menge otaw nemenal te inikagi i Pedro. Doen menge telo melalan otaw nemenal te Timanem te aldaw sìyan, aw nekeakop dan diyà te otaw tapay nemenal.

Ininang 2:39

Migpakang se Timanem te ibegay din se Espiritu Santo diyà kenyo, aw diyà te batà niyo, aw diyà te otaw mediyò, so ibegay din diyà te kedita te otaw tewalen din.”

Roma 14:18

Aw yan se inangen te kedita tadon egtolò ki Cristo, meluba se Timanem kenitadon, aw mikagi heman se doma otaw te mèpiya se eg-inangen tadon.

Ininang 13:48

Pegdineg te menge otaw kenà Judiyo kenyan, ontò dan neluba aw dimuyun dan te Timanem tepad te inikagi i Pablo. Nemenal se kedita te otaw neibeg te kaling pedowan wedad temanan.

Roma 9:27

Seini heman se inikagi i Isaias tepad te menge Judiyo, “Pengkey megkedita se menge Judiyo igsà eked dan kebilang iling te enay doton te dagat, meneng olò pilabok se mekelowà lekat te pelumun.

Roma 8:30

Se kedita tadon pinemallì te Timanem amon inangen kidon din iling te Batà din, yan heman se tinawal din. Se kedita tadon tinawal din, yan heman se inaneng-aneng din te metòlid. Se kedita tadon inaneng-aneng din te metòlid, yan se ipelowan din doma kandin.

Luc. 2:52

Timilles si Jesus aw migkebiyasa. Labi pa nelubahan te Timanem aw otaw.

Ininang 4:21

Meneng labi pa miglamit se menge obanen te simbahan kandan aw migpelowà dan kandan, so wedà dan ketegahi aw eden se ipelumun dan kandan, so dimuyun se kedita te otaw te Timanem te pegkegolì te otaw kapig.

Ininang 4:33

Mig-inang se menge sogounun i Cristo te kepelahan, aw mig-indan dan te benal neantay se Pengolo si Jesus lekat te nematay. Ontò tinebangan te Timanem se kedita te otaw egpemenal.

Luc. 19:48

Meneng wedà dan peketoman, so ontò egpenenalan se kedita te otaw diyà kandin.

Ininang 4:4

Meneng nemenal se medita otaw nenenalan ki Pedro aw si Juan. Menge lima melalan se kedita te otaw nemenal, sipat sìyan otaw tapay nemenal.

Ininang 6:1

Nayan, migkedita se otaw egpemenal. Meneng migpedindilay se menge otaw egpemenal eg-ikagi te Griego aw doma eg-ikagi te Hebreo, so minikagi se menge otaw eg-ikagi te Griego te deitek olò se togpò inteped diyà te kandan menge bayi balo te kelikit te aldaw.

Ininang 6:7

Penga niyan, gayed in-indan se kagi te Timanem doton te menge doma ogpeanan. Migkedita se otaw nemenal doton te Jerusalem, aw medita heman se pengolo te simbahan te Judiyo nemenal.

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Ininang 9:35

Kinità iyan te kedita te otaw doton te Lida aw doma lonsod te Saron. Nemenal dan heman diyà te Pengolo.

Ininang 11:21

Migtabang se Pengolo kandan, aw medita se otaw nemenal aw timolò te Pengolo.

Ininang 14:1

Pegdateng i Pablo aw si Bernabe doton te Ikonyo, dimoton dan te simbahan te Judiyo. Pegtoladà dan kidoen, nemenal se medita otaw Judiyo aw menge doma otaw kenà Judiyo.

Ininang 14:21

Migtoladà si Pablo aw si Bernabe te Mèpiya Indan kidoen te Derbe, aw medita se otaw nemenal ki Jesus. Penga niyan, limikò dan doton te Listra, aw Ikonyo, aw Antyokya kidoen te Pisidya.

Ininang 17:12

Medita se Judiyo nemenal, aw doen heman menge Griego meama aw bayi melangkaw eleg nemenal.