Ininang 2:40 - Manobo Sarangani

⁴⁰ Nenamay pa minikagi si Pedro diyà kandan. Migpunù sikandin, kagi din, “Ikà niyo egdoma te kedomaan niyo eg-inang te medaet, amon eked kaw pelumuni.”

Ininang 2:40 ပူးပေါင်းရင်းမြစ်များ

Filipos 2:15

amon wedad mekesila kenyo menge batà te Timanem. Pengkey eg-ogpà kaw doma te otaw eg-inang te medaet aw nelegeb te salà, meneng keilangan melobos se pedowan niyo aw metòlid se eg-inangen niyo. Iling kaw te menge bitoen eg-anyag kidoen te langit, so egkitaen kaw te doma otaw kenà egtaking te Timanem,

1 Timoteo 4:16

Peg-ahà ka tepad te eg-inangen no aw ipegtoladà nikaw. Aw yan se inangen nikaw, kenà olò sikona se mekelowà lekat te pelumun, meneng mekelowà heman se menge otaw toledaan nikaw.

Efeso 4:17

Nayan, seini se ipunù ko kenyo lekat te Pengolo tadon. Ikà niyo den egtaking te ketanem te otaw kenà egtaking te Timanem, so wedad ontong te aneng-aneng dan.

2 Korinto 6:17

Yan se doun te inikagi te Timanem, “Ikà niyo egdoma te menge otaw kenà egtaking kanak. Ikà niyo eg-inabut te medaet ketanem dan. Aw tenanan niyo iyan, somongon a kenyo.

Mat. 17:17

Minikagi si Jesus, “Tay law, sikiyo menge otaw. Ontò kolang se aneng-aneng niyo, so wedà kaw pa salig diyà kanak. Eked den kenamay se pegdoma ko kenyo, meneng keilangan tomayod a pa pengkey eked kaw pemenal. Na, pedinihi se batà nikaw.”

Mat. 16:4

Medaet se ibeg te kedita te otaw songkani timinàyog te Timanem, so gayed kaw egkeibeg te ipekità ko diyà kenyo se pengilala. Meneng sebad olò se pengilala ipekità te Timanem diyà kenyo, aw yan se iling te neinang diyà te telekeliwat te kagi te Timanem gebii si Jonas.” Penga niyan, nesayo si Jesus lekat kidoen.

Galasya 5:3

Ibeg ko, ontò niyo ini eneng-enengen. Pengkey sinu se somalig te punù ingkeliwat i Moises amon meg-aneng-aneng se Timanem te metòlid sikandin, kenà olò punù tepad te pegtolì se toloen din, meneng keilangan toloen din se kedita te punù ingkeliwat i Moises.

Ininang 28:23

Penga niyan, pinemallì dan se aldaw aw kano dan ketipon. Pegdateng te aldaw sìyan, ontò medita se otaw netipon doton te balay inogpaan din. Lekat te iselem lamig te meapon, migtoladà si Pablo kandan. Mig-indan sikandin kandan tepad te peglowan te Timanem, aw miglebad-lebad sikandin te punù ingkeliwat i Moises aw insolat te menge doma telekeliwat te kagi te Timanem amon memenal se otaw ki Jesus.

Mat. 23:33

Iling kaw te memokan so biyasa kaw eg-inang te medaet. Eked kaw palos pekelowà lekat te pelumun te Timanem, so metoman kaw din ipeibing doton te kilot.

1 Pedro 5:12

Si Silas se migtelaban kanak te pegsolat ko kani. Sikandin se kedowa tadon te pegpemenal, aw netegahan ko te egkeseligan sikandin. Pengkey pilabok se kagi ko kenyo seini, meneng impesolat ko ini amon meantag se pedowan niyo. Ibeg ko ketegahan niyo te seini se kebenalan ingkeliwat ko diyà kenyo tepad te tabang te Timanem kenitadon. Peg-aneng-aneng kaw gayed tepad kenyan.

1 Tesalonika 2:11

Netegahan niyo heman te mèpiya se ininang day diyà te teg sebad-sebad kenyo, iling te eg-inangen te mèpiya amay diyà te menge batà din.

2 Korinto 5:20

Siak heman se sebad sogounun i Cristo egpengibing te kagi din, so pineokit kanak, ipetaga-taga te Timanem se punù din. So insogò a i Cristo, yan mikagi a diyà kenyo, pegsebadi niyo se pedowan niyo diyà te Timanem.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Luc. 21:36

Yan se doun te keilangan gayed kaw meg-ahà, aw megtawal-tawal kaw te begayan kaw te Timanem te kagsen te pedowan amon meketayod kaw te kedita te kelimahan sìyan. Aw meketayod kaw, eked kaw keyàyà aw domateng a Timanem Migpekeotaw.”

Mar. 8:38

Aw eked ikagi se otaw te sikandin se sakop ko, aw eked heman tolò te kagi ko meneng tomaking te otaw nelegeb te salà egtinàyog te Timanem, yan se otaw eked ko heman ikegihi te sikandin se sakop ko te peglikò ko. Siak se Timanem Migpekeotaw, aw lomikò a pa dini tekingan te kelangkaw te Amay ko aw sipat menge anghil te Timanem.”

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Juan 21:25

Meneng medita pa se ininang i Jesus wedà ko solati dini. Simpana isolat se kedita niyan, aneng-aneng ko eked besi pekeombà se kedita te libro dini te keneyonan.

Ininang 20:11

Neantay se telaki aw inibing dan doton te balay din. Ontò neluba se kedita te otaw. Pegpenayit i Pablo doton te balay, pigbelà-belà din se pan aw kimaen kay. Nenamay kay migsempetanun lamig te peglibtak te aldaw. Penga niyan, nesayo kay si Pablo.

Ininang 20:9

Doen sebad telaki si Eutico nenenoo doton te bintanà. Pegtoladà i Pablo te nenamay, ontò nepilot si Eutico. Pegketedogi din, nedagdag doton te tanà lekat te iketelo kunsad te balay. Pegdateng dan doton kandin, nematay den.

Ininang 20:2

Peg-okit din diyà te menge lonsod kidoen, ontò din inantag se pedowan te menge otaw egpemenal. Pegdateng din doton te Gresya,

Ininang 15:32

Nenamay migtoladà si Judas aw si Silas te menge otaw egpemenal, so telekeliwat dan te kagi te Timanem. Inantag dan se pedowan te menge otaw egpemenal amon melobos se pedowan dan diyà te Timanem.

Ininang 10:42

Insogò kay din amon megtoladà kay te Mèpiya Indan tepad kandin diyà te menge otaw, aw amon meg-indan kay te benal si Jesus se pinemallì te Timanem meg-okom te kedita te otaw, pengkey nematay aw wedà pa kematay.

Mat. 12:34

Iling kaw te memokan so medaet se eglowà lekat te bahà niyo. Wedad palos mèpiya ikegiyen niyo, so medaet se pedowan niyo. Aw mikagi se otaw, yan ipetaga-taga din aw eden se awop te pedowan din.

Luc. 16:28

Doen pa lima kedowa ko, aw ibeg ko indanan din dan te keilangan megselsel dan te salà, amon eked dan heman peibingi dini te kededàtan.’

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)