Ininang 2:39 - Manobo Sarangani

³⁹ Migpakang se Timanem te ibegay din se Espiritu Santo diyà kenyo, aw diyà te batà niyo, aw diyà te otaw mediyò, so ibegay din diyà te kedita te otaw tewalen din.”

Ininang 2:39 ပူးပေါင်းရင်းမြစ်များ

Roma 8:30

Se kedita tadon pinemallì te Timanem amon inangen kidon din iling te Batà din, yan heman se tinawal din. Se kedita tadon tinawal din, yan heman se inaneng-aneng din te metòlid. Se kedita tadon inaneng-aneng din te metòlid, yan se ipelowan din doma kandin.

Efeso 4:4

Ininang kaw den te Timanem iling te sebad lawa, aw olò sebad se Espiritu Santo mig-ogpà diyà kenyo, so olò sebad se egpelimanan niyo lekat te pegtawal te Timanem kenyo.

Ininang 15:8

Netegahan te Timanem aw melobos se pedowan te kedita te otaw. Impetaga-taga din te sinakop din den se menge otaw kenà Judiyo pineokit te pegpemegay din te Espiritu Santo diyà kandan onawa te pegpemegay din diyà kenitadon kedengan.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Impekità 19:9

Penga niyan, minikagi se anghil, “Solat ka den kani. Ontò meluba se kedita dan tinawal diyà te peipid te Karniro.” Penga niyan, minikagi heman sikandin, “Yan se benal kagi te Timanem.”

2 Pedro 1:3

Tinebangan kidon te Timanem Metolos amon gayed kidon meketolò te ibeg din dalem te peg-ogpà tadon dini lanto te tanà. Yan se ininang din so netegahan tadon den sikandin. Tinawal kidon din amon mekeakop kidon diyà te kelangkaw din aw kèpiya din.

Menge Hebreo 9:15

Yan si Cristo se mig-inang te kaling peokit amon mepakay kominawà se kedita tadon tinawal te Timanem te mèpiya impakang din kenitadon te wedad temanan. Mekinawà tadon se mèpiya sìyan, so pineokit te pegkematay i Cristo, impelowà kidon den lekat te salà ininang tadon dalem te pegtaking tadon te tapay peokit.

Impekità 17:14

Penga niyan, megbolaw dan te Karniro. Meneng dàgen din dan, so sikandin se Pengolo diyà te kedita te pengolo, aw sikandin se Selotan eglowan diyà te kedita te selotan. Se kedita te sakop te Karniro, yan se otaw tinawal te Timanem, aw pinemallì din, aw egkeseligan dan.”

2 Pedro 1:10

Menge kedowa ko, pinemallì kaw te Timanem aw tinawal kaw din. Yan pegpekeaseb kaw den megpetaga-taga te ontò kaw menge batà din pineokit te eg-inangen niyo, so aw mèpiya se eg-inangen niyo, eked palos pegkedaet se pegsalig niyo diyà kandin.

2 Timoteo 1:9

Impelowà kidon din lekat te salà aw tinawal kidon din amon inangen kidon din menge sakop din. Yan se ininang din kenà tandà te peg-inang tadon te mèpiya, meneng tandà te kandin ibeg aw tabang din kenitadon. Gebii te wedad pa palos ininang din, miglalang sikandin megtabang kenitadon pineokit ki Jesu Cristo.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.

Roma 11:29

Eked ketodà se aneng-aneng te Timanem tepad te otaw pinemallì din aw binegayan din te kèpiyaan.

Menge Hebreo 3:1

Menge kedowa ko tinawal aw sinakop te Timanem, peg-aneng-aneng kaw den tepad ki Jesus pinemenalan tadon. Sikandin se insogò te Timanem dini te tanà, aw sikandin se egkagon kenitadon doton te Timanem.

1 Korinto 7:14

so aw egpemenal se sebad otaw, kenà mediyò lekat te Timanem se esawa din wedà pemenal. Iling heman kenyan se menge batà dan, so medapag dan diyà te Timanem. Kenà dan iling te batà te otaw kenà egpemenal.

2 Tesalonika 1:11

Yan se doun te gayed kay egtawal-tawal tepad kenyo. Egpemoyò kay diyà te Timanem te ipetagad kaw din kominawà te ibegay din kenyo. Ibeg day, tebangan kaw te Timanem amon metoman se kedita te ibeg niyo meg-inang te mèpiya tandà te pegsalig niyo kandin.

Roma 9:24

Sikitadon se otaw sìyan tinawal te Timanem. Kenà olò menge Judiyo se tinawal din, meneng otaw heman kenà Judiyo.

Roma 9:4

Ontò den dan netebangan, so gebii pinemallì te Timanem se menge bowad-bowad i Israel, aw pigbatà din dan. Sikandan se pinekitaan din te kelangkaw din. Sikandan heman se pinekangan din te tebangan din dan. Sikandan se sineligan din te menge punù ingkeliwat i Moises. Sikandan se tinoledaan din tepad te pegsimba dan kandin. Medita heman se pakang din kandan.

Ininang 15:14

Mig-indan den si Simon te doen den heman menge otaw kenà Judiyo pinemallì te Timanem amon makop dan heman diyà kandin.

Ininang 15:3

Penga niyan, impekesayo dan te menge otaw egpemenal. Peg-okit dan te Fenisya aw Samarya, mig-indan dan te nemenal den se menge otaw kenà Judiyo. Pegdineg te kedita te otaw egpemenal kenyan, ontò dan neluba.

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Ininang 10:45

Ontò nepela se kedita te Judiyo timaking ki Pedro, so dimateng heman se Espiritu Santo diyà kandan pengkey kenà dan Judiyo,

Efeso 2:12

Wedà kaw pekeakop diyà te menge bowad-bowad i Israel. Eked kaw heman pekekinawà te ontong ibegay te Timanem kenami, so kenà kenyo kemonaan se pinekangan din. Kedengan, te pegtaking niyo te medaet ketanem te otaw dini te keneyonan, wedad palos tabang te Timanem pinelimanan niyo, so wedà kaw pa ketaga-taga tepad kandin.