Ininang 2:27 - Manobo Sarangani

²⁷ so eked a din pebeyai doton te lebeng. Eked kepakay diyà kandin aw meledak se lawa ko, so pinemallì a din.

Ininang 2:27 ပူးပေါင်းရင်းမြစ်များ

Ininang 2:31

Migpeliman si David te pegketoman niyan, aw yan minikagi sikandin te meantay se Misiyas pelimanan din, so kagi din, ‘Eked sikandin pebeyai doton te lebeng. Eked kepakay diyà te Timanem aw meledak se lawa te Misiyas isogò din.’

Impekità 1:18

Siak se doen pedowan wedad temanan. Inimetayan a, aw eked a den todà palos kematay. Siaken olò se mekebatog meg-antay te otaw lekat te nematay. Aw matay se otaw, siak olò se mekesogò aw kenan dan peogpai.

Impekità 20:13

Peg-antay kandan, inantay se kedita te otaw lekat te nematay, pengkey nelemes dan kidoen te dagat, aw nekelowà se pedowan dan lekat te ogpeanan te otaw nematay. Inokom se kedita dan tepad te ininang dan te wedà dan pa kematay.

1 Korinto 15:55

“Duyuni niyo se Timanem, so dinaeg den se kemetayun. Eked kidon den detengi te kemetayun.”

1 Korinto 15:52

Tigbayà iyan meinang te sebad pegpulà-pulà. Meinang iyan aw dinegen se peg-edop te bodyong ipetaga-taga te dimateng den se temanan. Aw edopen se bodyong, penga niyan entayen te Timanem se nematay diyà te kaling lawa eked palos kematay. Aw sikitadon wedà pa kematay, inangen heman kaling se lawa tadon,

Juan 11:39

Minikagi si Jesus, “Owangi niyo se lebeng din.” Meneng minikagi se etebay te nematay si Marta, “Pengolo, nemahò den, so epat pa se aldaw lekat te peglebeng kandin.”

Impekità 3:7

Minikagi heman sikandin, “Solat ka heman te anghil egtonggò te menge sakop te simbahan kidoen te Filadelfya. Seini se kagi isolat nikaw. ‘Seini se kagi ko kenyo. Siak se eg-inang te metòlid, aw egkeseligan a. Siak se lomowan iling te peglowan i David gebii. Aw owangen ko se okitanan amon mekeakop se otaw diyà te peglowan ko, wedad meketakep. Aw tekepen ko se okitan niyan, wedad mekeowang.

1 Juan 2:20

Meneng se kedita niyo, binegayan kaw den i Cristo te Espiritu Santo, aw netaga-taga kaw den te kebenalan.

Luc. 4:34

“Tay, Jesus tege Nasarit. Ikà egsamok kenami. Eked kay keibeg aw pegbàtan kay nikaw. Netegahan ko aw sinu ka. Sikona se metòlid otaw insogò te Timanem.”

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Mat. 11:23

Sikiyo tege Kapirnaom, pengkey meibeg kaw megpelangkaw-langkaw taman te langit, meneng idagdag kaw doton te kilot. Aw impekità diyà te tege Sodoma se inang metolos impekità ko kenyo, migselsel den dan peden aw wedà heman kebàti se lonsod dan.

Ininang 4:27

Netoman den iyan, so dini te Jerusalem, migsebad se pedowan i Herod, aw si Poncio Pilato, aw menge bowad-bowad i Israel, aw menge doma otaw kenà Judiyo, amon imetayan dan se insogò no si Jesus, pengkey wedad kandin salà. Sikandin se ininang no Misiyas.

Ininang 3:14

Pengkey wedad palos salà din, meneng wedà kaw keibeg kandin. Nemoyò kaw te ipelowà i Pilato se otaw metibonò.

Luc. 16:23

Inibing sikandin doton te ogpeanan te otaw nematay, aw ontò sikandin ineleg kidoen. Limengag sikandin aw timengteng diyà ki Abraham ontò mediyò aw kidoen si Lazaro te tangkil din.

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Ininang 2:26

Yan ontò neluba se pedowan ko. Iduyun ko sikandin. Pengkey matay se lawa ko, doen pelimanan ko,

Ininang 2:28

Entayen a din lekat te nematay. Ontò neluba se pedowan ko so egdomaan a din.’ Yan se kagi ingkeliwat i David.