Ininang 2:22 - Manobo Sarangani

²² “Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Ininang 2:22 ပူးပေါင်းရင်းမြစ်များ

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Ininang 4:10

Indanan ko den sikiyo aw kedita te doma niyo bowad-bowad i Israel. Negolian se otaw kindoen pineokit te ngadan i Jesu Cristo tege Nasarit. Si Jesus se inimetayan niyo, meneng inantay te Timanem lekat te nematay.

Luc. 11:20

Meneng aw pineokit te tolos imbegay te Timanem se pegpelowà ko te bosaw lekat te otaw, yan ketegahan niyo te dimateng den dini kenyo se peglowan te Timanem.

Mat. 12:28

Meneng aw pineokit te Espiritu Santo se pegpelowà ko te bosaw lekat te otaw, yan ketegahan niyo te dimateng den dini kenyo se peglowan te Timanem.

Mat. 9:8

Pegkità te doma otaw kenyan, ontò dan nelemitan, aw dimuyun dan te Timanem so insogò din si Jesus amon megwedad te salà te otaw.

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

2 Korinto 12:12

Peg-ogpà ko kidoen kenyo kedengan, kinità niyo te benal a sogounun i Cristo pineokit te menge inang ko. Melayat se pedowan ko kenyo, aw kinità niyo se menge pengilala ininang ko, aw menge kepelahan, aw menge inang metolos.

Ininang 26:26

so netegahan te selotan se kedita niyan. Wedà a pegketalaw te peg-ikagi ko kandin, so netegahan din te benal se kedita te inikagi ko, so wedà iyan keinang doton te kesikmihan.

Ininang 26:9

“Pengkey siak, kedengan eden ko aw mèpiya se pegpemilang ko te menge otaw egpemenal ki Jesus tege Nasarit.

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Ininang 22:8

Penga niyan, minikagi a, ‘Sir, sinu ka lay?’ Yan timaba se Pengolo, ‘Siaken si Jesus tege Nasarit se egpemilangen nikaw.’

Ininang 21:28

Migbelobansag dan, kagi dan, “Menge kedomaan day bowad-bowad i Israel, telebani kay. Seini se otaw egtoladà diyà te kedita te otaw te lindoan kidon Judiyo, aw simbahan seini egpenimeneman, aw punù ingkeliwat i Moises. Labi pa medaet se ininang din seini, so inibing din se otaw kenà Judiyo dini didalem te dakel simbahan seini egpenimeneman, pengkey eked iyan kepakay.”

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Ininang 13:16

Yan timindeg si Pablo aw intakyaw din se belad amon mepenek dan. Minikagi sikandin, “Menge kedomaan ko bowad-bowad i Israel aw kedita niyo kenà Judiyo egtolò heman te Timanem, penenalan kaw te kagi ko.

Ininang 6:14

Dinineg day sikandin minikagi te meglegobal se tege Nasarit si Jesus te dakel simbahan seini, aw elinen din heman se menge ketanem ingkeliwat i Moises.”

Ininang 5:35

Penga niyan, minikagi si Gamaliel diyà te menge doma din netipon, “Menge kedomaan ko bowad-bowad i Israel, peg-imanday kaw aw eden se inangen niyo diyà te menge otaw sìyan.

Ininang 3:12

Pegkità i Pedro te otaw netipon, minikagi, “Menge kedomaan ko Judiyo, ikà niyo egkepela kenyan. Ikà niyo egtengteng kenami. Kenà kenami tolos se nekegolì te otaw kapig. Kenà heman lekat te ketòlid day.

Juan 19:19

Doen insolat i Pilato aw impesawol din iyan doton diatas te olo i Jesus, kagi niyan, “Seini si Jesus tege Nasarit, Selotan te menge Judiyo.”

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 12:17

Medita se otaw kimità te pegtawal i Jesus ki Lazaro kidoen te lebeng aw peg-antay din kandin lekat te nematay. Mig-indan dan te menge doma otaw,

Juan 11:47

Pegdineg te menge pengolo te simbahan aw Parisiyo, migtipon dan te kedita te doma dan obanen te simbahan, aw minikagi dan, “Megmeno kidon? So medita se kepelahan eg-inangen te otaw sìyan.

Juan 10:37

Simpana kenà insogò te Timanem se kepelahan eg-inangen ko, ikà niyo egpemenal kanak.

Juan 9:33

Simpana kenà sikandin insogò te Timanem, wedad palos kepelahan mebatog din inangen.”

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 4:48

Minikagi si Jesus, “Aw wedad pengilala aw kepelahan kitaen niyo, eked kaw pemenal kanak.”

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Luc. 24:18

Penga niyan, timaba se sebad si Cleopas, kagi din, “Tay law, elew. Nepela a, so pengkey gimemaw ka doton te Jerusalem, meneng wedà ka kedì ketaga-taga aw eden se neinang kidoen te menge aldaw seini.”

Mat. 2:23

Mig-ogpà dan doton te lonsod te Nasarit. Yan netoman se inikagi te menge telekeliwat te kagi te Timanem te tewalen si Jesus tege Nasarit.

Ininang 2:19

Ipekità ko se kepelahan doton te langit. Ipekità ko heman dini te tanà se ledyawan te dipanog aw apoy aw ebel.

Ininang 2:43

Mig-inang se sogounun i Cristo te inang metolos aw kepelahan. Yan ontò nepela se kedita te otaw.

Ininang 3:6

Meneng minikagi si Pedro, “Wedad palos kwarta ko, meneng tebangan ta te mebatog ko. Pineokit te ngadan i Jesu Cristo tege Nasarit, ipanaw ka.”

Luc. 18:37

Minikagi se menge doma, “Minokit dini si Jesus tege Nasarit.”