Ininang 2:11 - Manobo Sarangani

¹¹ Doen tege Kreta aw tege Arabya. Mig-indan se menge tege Galiliya sìyan te mèpiya ininang te Timanem. Ontò kidon mekelabet te inikagi dan, so nekeikagi dan te medita kemolò kagi tadon.”

Ininang 2:11 ပူးပေါင်းရင်းမြစ်များ

1 Korinto 12:10

Doen heman doma binegayan te Espiritu Santo te kebiyasa amon mekeinang te metolos inang diyà te doma otaw. Doen doma otaw mekekeliwat te kagi te Timanem. Se sebad otaw, doen imbegay kandin kebiyasa amon ketegahan din aw kenan lekat se tolos, aw lekat iyan te Timanem aw lekat te bosaw. Se sebad otaw, doen imbegay kandin amon mekeikagi te menge doma kagi eked din kelebeti. Se sebad otaw, doen imbegay kandin kebiyasa amon mekeobad te kagi eked kelebeti.

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

Tito 1:12

Doen sebad doma dan nedengeg lekat te Kreta minikagi kani, “Gayed egkebolalaw aw medaet se menge otaw dini te Kreta. Tekahen dan aw legoken.”

Tito 1:5

Kedengan, tinenanan ta doton te polò te Kreta amon ipengahen no se sìyan wedà ta kepenga doton, aw amon pemellien no se menge otaw inangen egpengibing te simbahan doton te teg sebad-sebad lonsod kidoen. Ikà egkelibel te impunù ko kamno,

Ininang 27:12

Aneng-aneng dan, kenà ontò mèpiya se dedongan sìyan dalem te pengodan. Yan se doun te keditaan te otaw simakay meibeg mesayo doton te Fenis, sebad lonsod te polò sìyan digsel te egselepan te aldaw, so ibeg dan meg-ogpà kidoen dalem te pengodan.

Ininang 27:7

Ontò meloway se kagnan day, aw nenamay se pegdateng day doton te Ngido, so wedà kay pekesongsong te kelamag, aw yan minatas kay doton te polò iningedanan Kreta. Minokit kay medapag te Ponta Salmon, so ontò mebandes se kelamag kidoen.

Galasya 4:25

Se bontod te Sinay doton te Arabya, yan se iningedanan Agar te menge otaw kidoen. Se pigpolingunan dan te allang seini, yan se menge Judiyo, so allang si Agar sipat menge batà din, aw neallang heman se kedita te Judiyo egtaking te punù ingkeliwat i Moises.

Galasya 1:17

Wedà a heman likò doton te Jerusalem amon toledaan a te menge otaw doton, sìyan ininang sogounun i Cristo monà diyà kanak. Meneng dimeleg a onà doton te kebigtilan iningedanan Arabya, aw penga niyan, limikò a heman doton te lonsod te Damasko.

1 Korinto 12:28

Se kedita tadon egpemenal ki Cristo, tinapid kidon te Timanem te mèpiya, so doen eg-inangen te teg sebad-sebad kenitadon. Monà te kedita, yan se sogounun i Cristo. Se ikedowa, yan se otaw egkeliwat te kagi te Timanem. Se iketelo, yan se otaw megtoladà te kebenalan. Tondog niyan se mekeinang te metolos inang, aw otaw binegayan te kebiyasa amon megpegolì te menge mesakit, aw otaw egpenabang te doma, aw otaw biyasa egpengolo, aw otaw mekeikagi te menge doma kagi eked din kelebeti.

Ininang 2:10

Doen heman otaw tikedo te Frigya, aw Pampilya, aw Ehipto, aw menge ogpeanan te Libya medapag te Sirene. Doen menge kedowa tadon Judiyo lekat te Roma. Doen heman menge otaw kenà Judiyo egtolò te ketanem tadon Judiyo.

Ininang 2:12

Ontò dan nepela aw migkebulung se aneng-aneng dan. Migpeinsaay dan, “Eden lay ini?”

Ininang 27:13

Pegdateng te pasbang, eden dan aw mekebatog dan domeleg doton te Fenis. Yan linakon dan se pondo, aw minokit kay medapag te kilid te enay te polò sìyan.