Ininang 2:10 - Manobo Sarangani

¹⁰ Doen heman otaw tikedo te Frigya, aw Pampilya, aw Ehipto, aw menge ogpeanan te Libya medapag te Sirene. Doen menge kedowa tadon Judiyo lekat te Roma. Doen heman menge otaw kenà Judiyo egtolò te ketanem tadon Judiyo.

Ininang 2:10 ပူးပေါင်းရင်းမြစ်များ

Ininang 16:6

Migtoladà dan te kagi te Timanem doton te menge lonsod kidoen te Frigya aw Galasya, so sinagda dan te Espiritu Santo te eked dan pegtoladà doton te Asya.

Ininang 18:23

Pegkenamay-namay din kidoen, nesayo todà. Timeped sikandin te menge ogpeanan doton te kebelad te Galasya aw Frigya amon entagen din se pedowan te menge otaw egpemenal.

Ininang 15:38

Meneng eked keibeg si Pablo, so simoway si Marcos kandan kedengan doton te Pampilya, aw wedà ebey pegtelaban kandan.

Ininang 13:43

Pegkesayo dan, tinekingan dan te medita otaw, menge Judiyo aw menge otaw kenà Judiyo egtolò te ketanem te menge Judiyo. Migpunù si Pablo aw si Bernabe kandan te keilangan somalig dan diyà te Timanem egpenabang kandan.

Ininang 13:13

Penga niyan, simakay si Pablo aw menge doma din te dakel belangay lekat te Papos pesalo doton te Pampilya. Dimeleg dan doton te Perga. Meneng simoway si Juan kandan so minolì doton te Jerusalem.

Roma 1:15

Yan se doun te meagka se pedowan ko megtoladà heman kenyo te Mèpiya Indan tepad ki Cristo doton te Roma.

Ininang 27:5

Minokit kay doton te lawod te Silisya aw Pampilya. Timenà kay doton te Mira, sebad lonsod kidoen te Lisya.

Ininang 14:24

Penga niyan, minokit dan doton te menge lonsod te Pisidya taman te menge lonsod te Pampilya.

Ininang 11:20

Meneng doen menge otaw egpemenal tege Sipro aw tege Sirene dimoton te Antyokya, aw migtoladà dan heman tepad ki Jesus diyà te menge otaw kenà Judiyo.

Mar. 15:21

Nayan, kidoen te dalan, netelaan te menge sondalo se sebad tege Sirene kaling dimateng lekat te saka. Ngadan din si Simon, aw batà din si Alejandro aw si Rufo. Lineges dan sikandin neniang te kros.

Mat. 27:32

Pegkesayo dan lekat te Jerusalem, netelaan te menge sondalo se tege Sirene ngadan din si Simon. Lineges dan sikandin neniang te kros lensangan ki Jesus.

Genesis 12:10

Nayan, doen bitil doton te Canaan, aw dimeleg si Abram doton te Ehipto amon meg-ogpà dan doton te menamay-namay, so ontò dan nebitilan.

Impekità 11:8

Penga niyan, isawol se lawa dan nematay kidoen te kersada te lonsod nedengeg nemetayan te Pengolo dan inlansang diyà te kros. Kidoen te tegdeyanan tepad te lonsod sìyan, iningedanan iyan Sodoma aw Ehipto.

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

Ininang 28:15

Doen menge otaw egpemenal kidoen te Roma. Pegketaga-taga dan te dimateng kay, doen simongon kenami doton te Foro i Apyo, aw doen menge doma simongon kenami doton te lonsod iningedanan Telo Bentokanan. Pegkità i Pablo kandan, migpesiontong sikandin diyà te Timanem, aw neluba se pedowan din.

Ininang 18:2

Kinità din kidoen se sebad Judiyo si Akilas timebaw doton te Ponto, kaling dimateng lekat te Italya sipat esawa din si Priscila, so migpunù se selotan si Claudio te mesayo se kedita te Judiyo lekat te Roma kapital te Italya. Gimemaw si Pablo diyà kandan.

Ininang 13:1

Doen menge telekeliwat te kagi te Timanem aw menenoladà te otaw egpemenal kidoen te Antyokya. Sikandan si Bernabe, aw si Simeon, se doma ngadan din si Meitem, aw si Lucio tege Sirene, aw si Saulo, aw si Manaen doma i Herod migpetillesay.

Ininang 6:9

Doen menge otaw migdindil kandin. Sikandan se menge tege Sirene aw tege Alejandriya egsimba doton te simbahan iningedanan “Tengke Otaw Nekelowà,” aw menge doma dan tege Silisya, aw tege Asya.

Ininang 6:5

Pegdineg te kedita te otaw egpemenal kenyan, aneng-aneng dan, mèpiya iyan inangen. Yan pinemallì dan si Esteban, so egpemenal sikandin diyà te Timanem te kedakel te pedowan din, aw egbeyà-beyaan heman te Espiritu Santo. Se doma otaw pinemallì dan, yan si Felipe, aw si Procoro, aw si Nicanor, aw si Timon, aw si Parmenas, aw si Nicolas tege Antyokya timolò te ketanem te menge Judiyo pengkey kenà sikandin Judiyo.

Mat. 2:15

Mig-ogpà dan doton lamig nematay si Herod. Yan se neinang amon metoman se inikagi te telekeliwat te kagi te Timanem, “Ipeolì ko se batà ko lekat te Ehipto.”

Ininang 23:11

Tengà te delem, migpekità se Pengolo diyà ki Pablo aw minikagi, “Ikà egkelemitan. Mig-indan ka den tepad kanak dini te Jerusalem. Meg-indan ka pa heman doton te Roma.”

Mat. 23:15

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so ontò kaw measeb meglegeb te mediyò amon megsakop te pengkey olò sebad se otaw, aw pineokit te pegtoladà niyo kandin, meinang sikandin labi pa medaet diyà kenyo, aw ipedeleg niyo sikandin doton te kilot.

Ininang 2:11

Doen tege Kreta aw tege Arabya. Mig-indan se menge tege Galiliya sìyan te mèpiya ininang te Timanem. Ontò kidon mekelabet te inikagi dan, so nekeikagi dan te medita kemolò kagi tadon.”

Ininang 17:21

Yan se inikagi dan, so se ibeg te tege Atenas aw ibeg heman te menge doma otaw eggemaw kidoen, gayed dan eg-indan aw egpenenalan te kaling toladà, so yan se ketanem dan.