Ininang 19:2 - Manobo Sarangani

² Mig-insà si Pablo, kagi din, “Pegpemenal niyo te Timanem, dimateng lay se Espiritu Santo diyà kenyo?” Timaba dan, “Wedà, so wedà kay toledai tepad te Espiritu Santo.”

Ininang 19:2 ပူးပေါင်းရင်းမြစ်များ

Galasya 3:5

Timanem se egpemegay kenyo te Espiritu Santo, aw sikandin se eg-inang te kepelahan doton kenyo. Se peg-inang din kani diyà kenyo, kenà pineokit te pegtolò niyo te punù ingkeliwat i Moises, meneng pineokit te pegpemenal niyo te intoladà tepad ki Jesus.

1 Korinto 6:19

Nelibelan niyo den besi ini. Se lawa niyo, yan se eg-ogpaan te Espiritu Santo imbegay te Timanem kenyo, aw kidoen lamig songkani. Yan se doun te kenà kenyo se lawa niyo, meneng Timanem se tig-apò kenyan,

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Ininang 19:5

Pegdineg dan kenyan, nemenal dan diyà te Pengolo si Jesus aw binonyagan dan.

Ininang 10:44

Telobo pa minikagi si Pedro, dimateng se Espiritu Santo diyà te otaw nenenalan kandin.

Ininang 2:17

kagi din, ‘Seini se kagi te Timanem. Aw agpet den se temanan te keneyonan, ibegay ko se Espiritu Santo diyà te kedita te otaw. Yan komeliwat se menge batà niyo te kagi ko. Komità se menge kaling pa otaw te ipekità ko kandan. Megtegeinep heman se menge obanen kenyan.

Roma 1:11

Ibeg ko, komità a kenyo, so doen ibegay ko kenyo lekat te Espiritu Santo amon melobos se pegtaking niyo te Pengolo tadon,