Ininang 18:8 - Manobo Sarangani

⁸ Se egpengibing te simbahan te Judiyo si Crispo, nemenal te Pengolo sipat kedita te otaw eg-ogpà diyà te balay din. Nemenal heman se medita doma otaw doton te Korinto aw binonyagan dan.

Ininang 18:8 ပူးပေါင်းရင်းမြစ်များ

Ininang 11:14

Megtoladà sikandin kamno aw kedita te otaw eg-ogpà diyà te balay nikaw. Yan mekelowà kaw lekat te salà niyo.’

Ininang 8:12

Meneng pegtoladà i Felipe kandan tepad te peglowan te Timanem aw si Jesu Cristo, nemenal dan aw binonyagan dan heman, pengkey meama aw bayi.

Ininang 18:17

Penga niyan, dinakep te menge otaw kenà Judiyo se sebad egpengibing te simbahan te Judiyo si Sostenes. Binadas dan sikandin doton te lowà te oseyanan. Meneng wedà pegsagman si Galio kenyan.

Ininang 16:34

Inibing din dan doton te balay din, aw pinekaen din dan. Neluba se kedita dan, so nemenal den dan te Timanem.

Ininang 13:15

Migbasa se egpengibing te simbahan te kagi te Timanem insolat i Moises aw menge doma telekeliwat te kagi te Timanem. Penga niyan, nemoyò se egpengibing te simbahan diyà ki Pablo aw si Bernabe, kagi dan, “Menge kedowa day, aw doen itoladà niyo diyà te kedita day netipon, mepakay aw megtoladà kaw den.”

Ininang 10:2

Egpenimanem sikandin pengkey kenà Judiyo. Gayed sikandin egtolò te Timanem sipat menge doma otaw eg-ogpà diyà te balay din. Egtebangan din se menge Judiyo nelimahan, aw gayed egtawal-tawal diyà te Timanem.

Mar. 5:35

Telobo pa minikagi si Jesus diyà te bayi, dimateng se otaw lekat te balay te obanen te simbahan, aw minikagi diyà ki Jairo, “Nematay den se batà nikaw. Wedad den kekemowan te pegpedeleg no te Menenoladà doton te balay nikaw.”

Mar. 5:22

Penga niyan, dimoton ki Jesus se sebad obanen te simbahan te Judiyo, ngadan din si Jairo. Pegkità din ki Jesus, limongken sikandin

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

Genesis 18:19

Pinemallì ko sikandin amon megtoladà sikandin te menge batà din aw menge bowad-bowad din te keilangan tomolò dan kanak, aw keilangan meg-inang dan te metòlid. Aw yan se inangen dan, tomanen ko se kedita te impakang ko diyà kandin.”

Genesis 17:27

sipat te kedita te allang din meama.

Ininang 18:1

Penga niyan, nesayo si Pablo lekat te Atenas aw dimoton te Korinto.

Ininang 19:1

Dalem te peg-ogpà i Apolos doton te Korinto, limiyo si Pablo te bontod pesalo doton te Efeso. Netelaan din kidoen se menge tinoledaan.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

2 Korinto 1:1

Seini se solat ko, si Pablo, doma ki Timoteo, kedowa tadon te pegpemenal. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo menge sakop te Timanem kidoen te Korinto, aw diyà te kedita niyo menge sakop din doton te doma ogpeanan te Gresya.

2 Korinto 1:23

Na, wedà a deleg doton kenyo amon eked a pemegay kenyo te lidò pineokit te pegsagda ko kenyo. Labi pa mèpiya aw megselsel kaw te eked a pa doton. Pinemoyò ko se Timanem megsistigos te ontò benal se inikagi ko seini.

2 Korinto 6:11

Menge kedowa ko kidoen te Korinto, in-indan ko man den kenyo se kedita diyà te pedowan ko. Ontò ko sikiyo nedekelan te pedowan.

2 Timoteo 4:20

Mig-ogpà pa si Erasto doton te Korinto. Impeogpà ko si Trofimo doton te Mileto, so nesekitan sikandin.