Ininang 18:7 - Manobo Sarangani

⁷ Penga niyan, nesayo si Pablo lekat te simbahan te Judiyo, aw minalin doton te balay te sebad otaw kenà Judiyo si Tito Justo egtolò te ibeg te Timanem. Tangkil te simbahan te Judiyo se balay din.

Ininang 18:7 ပူးပေါင်းရင်းမြစ်များ

Ininang 16:14

Doen sebad bayi si Lydia nenenalan kenami. Tiyatira se tinebolan din. Egpemeligyà sikandin te penenaktun melalag kidoen te Filipos. Gayed sikandin egtolò te ibeg te Timanem. Pegpenenalan i Lydia te intoladà day, migtabang se Pengolo kandin amon memenal ki Jesus.

Kolasas 4:11

Si Josue, se doma ngadan din si Justo, ibeg din heman ketegahan niyo te dakel se pedowan din kenyo. Diyà te kedita te menge Judiyo egpemenal, seini olò telo se egtelaban te pegtoladà ko tepad te peglowan te Timanem. Ontò migkagsen se pedowan ko tandà te tabang dan.

Ininang 17:4

Doen menge Judiyo nemenal aw migpesakop diyà ki Pablo aw si Silas. Nemenal heman se medita otaw kenà Judiyo egsalig diyà te Timanem aw medita heman bayi melangkaw.

Ininang 13:42

Penga te pegtoladà i Pablo, nemoyò se menge otaw te todà dan megtoladà kandan te modi Sebado.

Ininang 10:22

Timaba dan, “Insogò kay te sebad serhinto si Cornelio olo te sebad gatos sondalo. Sikandin se otaw egpenimanem aw egtolò te Timanem, aw induyun sikandin te medita Judiyo. Doen anghil te Timanem migpunù kandin te ipeangay ka din amon megtoladà ka kandin.”

Ininang 10:2

Egpenimanem sikandin pengkey kenà Judiyo. Gayed sikandin egtolò te Timanem sipat menge doma otaw eg-ogpà diyà te balay din. Egtebangan din se menge Judiyo nelimahan, aw gayed egtawal-tawal diyà te Timanem.

Juan 9:31

Netegahan tadon te kenà egtebangan te Timanem se otaw eglàpang te punù. Meneng se otaw egsimba te Timanem aw egtolò te ibeg din, yan se egtebangan te Timanem.

Ininang 13:43

Pegkesayo dan, tinekingan dan te medita otaw, menge Judiyo aw menge otaw kenà Judiyo egtolò te ketanem te menge Judiyo. Migpunù si Pablo aw si Bernabe kandan te keilangan somalig dan diyà te Timanem egpenabang kandan.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.