Ininang 18:6 - Manobo Sarangani

⁶ Meneng neopal se menge Judiyo ki Pablo, aw migtompuyus dan kandin. Penga niyan, imbuya-buya i Pablo se saol din amon ketegahan dan te doen salà dan, so wedà dan pemenal. Minikagi sikandin, “Aw ipelumun kaw, inday kenyo aw yan se ibeg niyo. Wedad labut ko. Lekat seini, megtoladà a te menge otaw kenà Judiyo.”

Ininang 18:6 ပူးပေါင်းရင်းမြစ်များ

Ininang 13:51

Pegkesayo dan lekat kidoen, tinaktak dan se napò te tanà lekat te sepatos dan amon metaga-taga se otaw kidoen te doen salà dan so wedà dan penenalan te intoladà. Penga niyan, dimoton si Pablo aw si Bernabe te Ikonyo.

1 Pedro 4:4

Nepela den se menge medaet otaw tinekingan niyo kedengan, so kenà kaw den egtaking kandan te peg-inang dan te pengkey eden se medaet ibeg dan, aw yan egtompuyus dan kenyo.

Luc. 9:5

Aw doen otaw eked pegsagman kenyo, tektaki niyo se napò te tanà lekat te sepatos niyo te pegkesayo niyo lekat te lonsod dan. Yan metaga-taga se otaw kidoen te doen salà dan, so wedà dan penenalan te intoladà niyo.”

Mat. 27:25

Minikagi se kedita te otaw, “Mepakay diyà kenami aw ipelumun kay aw menge bowad-bowad day tepad te peg-imatay kandin, so salà day iyan.”

1 Pedro 4:14

Aw tompuyusen kaw tandà te pegtaking niyo ki Cristo, keilangan meluba kaw, so egbeyà-beyaan kaw te Espiritu Santo melangkaw.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

Roma 3:29

Ikà niyo eg-aneng-aneng te olò Judiyo se mepakay megpesakop diyà te Timanem, so mepakay megpesakop se kedita te otaw diyà kandin, pengkey Judiyo aw otaw kenà Judiyo.

Ininang 28:28

Penenalan kaw kanak. Inindanan den se menge otaw kenà Judiyo te megpelowà se Timanem kandan lekat te salà, so menenalan dan kenyan.” [

Ininang 26:20

Migtoladà a doton te Damasko aw Jerusalem aw menge lonsod te Judiya aw doton heman te menge otaw kenà Judiyo. Migtoladà a diyà kandan te keilangan megselsel dan aw tomaking dan te Timanem, aw keilangan ipekità dan te kaling se pedowan dan pineokit te eg-inangen dan.

Ininang 26:11

Melikit ko dan ipegpelumun doton te kedita te simbahan te Judiyo, so ibeg ko peden, lomengà dan te pegpemenal dan ki Jesus. Ontò a neopal kandan, aw pinemilang ko dan pengkey doton te mediyò lonsod.

Mat. 22:10

Penga niyan, dimoton dan te menge dalan, aw impetaking dan se kedita te otaw netelaan dan, pengkey mèpiya se keogpà dan aw pengkey kenà. Yan medita se otaw impetanod dan, aw nepenò den se balay.

Mat. 10:14

Aw doen otaw eked pegsagman kenyo aw eked penenalan te itoladà niyo, tektaki niyo se napò te tanà lekat te sepatos niyo te pegkesayo niyo lekat te balay dan aw lonsod dan. Yan metaga-taga se otaw kidoen te doen salà dan, so wedà dan penenalan te intoladà niyo.

Luc. 22:65

Gayed dan migtompuyus kandin aw minikagi dan te medaet.

Mat. 21:43

“Eneng-enengi niyo se kagi ko kenyo. Yan se doun te eked kaw sekopi te Timanem diyà te peglowan din, meneng sekopen din se menge doma otaw ontò tomolò te ibeg din. [

Mat. 8:11

Metoman se kagi ko seini. Aw domateng se aldaw te peglowan te Timanem, medita se otaw domateng lekat te kedita te ogpeanan te keneyonan, pengkey kenà dan Judiyo. Ipeakop dan diyà te peglowan te Timanem sipat kemonaan niyo si Abraham, aw si Isaac, aw si Jacob.

1 Timoteo 5:22

Keilangan eked ka kesasaw te pegpemallì no te otaw inangen egpengibing te simbahan, so aw mekesalà sikandin, silahen ka heman doma din. Yan keilangan wedad salà inangen nikaw.

Mat. 21:41

Timaba dan, “Ipeeleg din se mededaet otaw sìyan aw imetayan din se kedita dan. Penga niyan, ipetonggò din se pawà din te doma otaw keseligan, amon begayan dan sikandin te talad te kelikit te omay.”