Ininang 18:5 - Manobo Sarangani

⁵ Meneng pegdateng i Silas aw si Timoteo lekat te Masidonya, yan gayed den migtoladà si Pablo te menge Judiyo te kagi te Timanem te kelikit te aldaw, aw se intoladà din kandan, si Jesus se Misiyas insogò te Timanem.

Ininang 18:5 ပူးပေါင်းရင်းမြစ်များ

2 Korinto 5:14

Tandà te kedakel te pedowan i Cristo kanak, neantag heman se pedowan ko. Netegahan ko den ini, te pegkematay i Cristo, iling te nematay se kedita te otaw, so nematay sikandin inselilin te kedita te otaw, amon eked kidon taking te kenitadon ibeg. Nematay amon tekingan tadon se kandin ibeg, so nematay aw neantay heman sikandin amon megtabang kenitadon.

Ininang 18:28

Pegtoladà din, linebad-lebad din se kagi te Timanem amon ketegahan te menge Judiyo te si Jesus se Misiyas insogò te Timanem. Yan dinaeg din se menge Judiyo migdindil kandin kidoen te keditaan te otaw.

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Ininang 17:3

Miglebad-lebad heman sikandin te kagi te Timanem insolat amon ontò dan kelebetan te keilangan pemilangen aw imetayan se Misiyas isogò te Timanem, aw penga niyan meantay heman lekat te nematay. Minikagi sikandin, “Si Jesus se Misiyas insogò te Timanem, sìyan intoladà ko kenyo.”

Ininang 9:22

Labi pa migkeinit se pedowan i Saulo te peg-indan din te benal si Jesus se Misiyas insogò te Timanem. Wedà pekedaeg kandin se menge Judiyo eg-ogpà doton te Damasko, so ontò mèpiya se inikagi din.

Filipos 1:23

Ontò egdowa-dowa se aneng-aneng ko tepad kenyan. Doen ibeg te pedowan ko domoton a te langit, so labi pa mèpiya aw meg-ogpà a doton doma ki Cristo.

Ininang 2:36

Eneng-enengi niyo. Pengkey inlansang niyo si Jesus diyà te kros amon matay, meneng sikandin se ininang te Timanem Pengolo aw Misiyas.”

1 Pedro 5:12

Si Silas se migtelaban kanak te pegsolat ko kani. Sikandin se kedowa tadon te pegpemenal, aw netegahan ko te egkeseligan sikandin. Pengkey pilabok se kagi ko kenyo seini, meneng impesolat ko ini amon meantag se pedowan niyo. Ibeg ko ketegahan niyo te seini se kebenalan ingkeliwat ko diyà kenyo tepad te tabang te Timanem kenitadon. Peg-aneng-aneng kaw gayed tepad kenyan.

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,

Ininang 16:9

Pegdateng dan doton, doen impekità te Timanem diyà ki Pablo te delem. Kinità din iling te bawa te otaw tege Masidonya nemoyò, kagi din, “Ayas ka diyà te Masidonya aw tebangi kay.”

Ininang 16:1

Dimoton si Pablo aw si Silas te Derbe aw Listra. Doen sebad otaw mig-ogpà kidoen ngadan din si Timoteo. Egpemenal sikandin te Timanem sipat inay din. Judiyo se inay din, meneng kenà Judiyo se amay din.

Ininang 15:22

Penga niyan, migsebad se aneng-aneng te kedita te otaw egpemenal sipat menge sogounun i Cristo aw menge egpengibing te simbahan. Pinemallì dan se dowa otaw tomaking ki Pablo aw si Bernabe domoton te Antyokya. Se pinemallì dan, yan si Silas aw si Judas, se doma ngadan din si Barsabas, so induyun dan te kedita te otaw egpemenal.

Ininang 10:42

Insogò kay din amon megtoladà kay te Mèpiya Indan tepad kandin diyà te menge otaw, aw amon meg-indan kay te benal si Jesus se pinemallì te Timanem meg-okom te kedita te otaw, pengkey nematay aw wedà pa kematay.

Ininang 4:20

Eked kay lengà te peg-indan te benal kinità aw dinineg day.”

Juan 15:27

Meg-indan kaw heman diyà te doma otaw tepad kanak, so migdoma kaw kanak lekat te ketebò te pegtoladà ko lamig seini.

Juan 10:24

Migpedapag se menge obanen te Judiyo kidoen kandin, aw minikagi dan, “Nenamay den wedà day ontò ketegahi aw eden se tod nikaw. Ikà den egbolon diyà kenami aw sinu ka. Indani kay aw sikona se Misiyas megpelowà kenami. Ibeg day ontò mebangal se kagi no kenami.”

Juan 3:28

Netegahan niyo den te minikagi a te kenà ko se Misiyas megpelowà kenyo. Meneng insogò a amon megpetagad a te pegdateng din.

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Luc. 12:50

Meneng keilangan onà a kelimahan. Ontò melima se pegtagad ko kenyan. Ibeg ko peden mepenga den.

Luc. 16:28

Doen pa lima kedowa ko, aw ibeg ko indanan din dan te keilangan megselsel dan te salà, amon eked dan heman peibingi dini te kededàtan.’

Ininang 16:12

Lekat kidoen, minipanaw kay doton te Filipos. Yan se ontò dakel lonsod doton te Masidonya, aw sakop te Roma se menge otaw eg-ogpà kidoen. Nenamay-namay kay mig-ogpà kidoen.

Ininang 20:23

Meneng melikit a eg-indanan te Espiritu Santo te pemilangen a aw kelebosowen a kidoen.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

2 Korinto 1:19

Kenà egdowa-dowa se Batà te Timanem si Jesu Cristo, sìyan intoladà day si Silas aw si Timoteo. Ontò egkeseligan si Jesu Cristo,

2 Korinto 11:9

Peg-ogpà ko kidoen kenyo, pengkey doen puluk ko, meneng wedà a pemoyò diyà kenyo, so se menge kedowa tadon nemenal doton te Masidonya, yan se nengibing te intogpò kanak. Wedà a palos pemoyò diyà kenyo, aw ibeg ko eked a palos pemoyò te tabang diyà kenyo.

1 Tesalonika 3:6

Meneng neluba kay den so minolì den si Timoteo dini kenami lekat kenyo, aw mèpiya se in-indan din kenami tepad te pegtaking niyo te Timanem aw pegpedekelay niyo te pedowan. Minikagi heman sikandin te mèpiya se aneng-aneng niyo tepad kenami, aw dimela kaw heman kenami onawa te pegdela day kenyo.