Ininang 18:3 - Manobo Sarangani

³ Mig-ogpà diyà kandan aw migpetelebanay dan, so sikandan se otaw biyasa eg-inang te balay eg-etepan te penenaktun, onawa te eg-inangen i Pablo.

Ininang 18:3 ပူးပေါင်းရင်းမြစ်များ

1 Tesalonika 2:9

Menge kedowa day, wedà niyo besi kelibeli te ontò kay migpekeaseb te peg-ogpà day doton kenyo. Pegtoladà day kenyo te Mèpiya Indan lekat te Timanem, gayed kay migterbaho te aldaw aw delem amon eked kaw kelimahi te pegpenogpò niyo kenami.

1 Korinto 4:12

Egterbaho kay amon doen mekaen day. Aw tollonan kay te doma otaw, egpemoyò kay diyà te Timanem te keidowan din dan. Pengkey egpemilangen kay, meneng kunù egpeketayod kay.

2 Korinto 11:9

Peg-ogpà ko kidoen kenyo, pengkey doen puluk ko, meneng wedà a pemoyò diyà kenyo, so se menge kedowa tadon nemenal doton te Masidonya, yan se nengibing te intogpò kanak. Wedà a palos pemoyò diyà kenyo, aw ibeg ko eked a palos pemoyò te tabang diyà kenyo.

2 Korinto 12:13

Se menge ininang ko diyà te menge otaw nemenal ki Cristo doton te doma lonsod, yan se onawa te ininang ko kenyo. Sebad olò se wedà ko peg-onewai, so wedà ko kinewai se togpò lekat kenyo, meneng kininawà ko se togpò lekat kandan. Pegwedadi niyo bag se salà ko sìyan.

2 Korinto 11:7

Pegtoladà ko kenyo te Mèpiya Indan lekat te Timanem, wedà ko sikiyo pebeyadi, so migtabang a kenyo te wedad togpò amon doen ontong niyo te toladà ko. Meneng yan besi se salà ko kenyo.

1 Korinto 9:14

Iling kenyan, migpunù se Pengolo tadon te keilangan togpoan te otaw menenalan se otaw megtoladà kandan te Mèpiya Indan tepad ki Cristo.

1 Korinto 9:15

Meneng siaken, wedà a palos pemoyò lekat kenyo. Se tod ko te pegsolat ko kani, kenà amon megpetogpò a kenyo, so kenà niyan se ibeg ko. Wedad otaw meketodà te peg-eked ko te pegpenogpò niyo kanak.

1 Tesalonika 4:11

Keilangan gayed kaw metingen. Ikà niyo eg-inabut te eg-inangen te menge doma otaw. Keilangan megpekeaseb kaw megterbaho amon mekeabat kaw te kenyo kepulukan, so yan se impunù day kenyo kedengan.