Ininang 18:2 - Manobo Sarangani

² Kinità din kidoen se sebad Judiyo si Akilas timebaw doton te Ponto, kaling dimateng lekat te Italya sipat esawa din si Priscila, so migpunù se selotan si Claudio te mesayo se kedita te Judiyo lekat te Roma kapital te Italya. Gimemaw si Pablo diyà kandan.

Ininang 18:2 ပူးပေါင်းရင်းမြစ်များ

2 Timoteo 4:19

Indani si Priscila, aw si Akilas, aw pamilya i Onesiforo te eg-aneng-aneng a kandan.

1 Korinto 16:19

Se kedita te otaw egpemenal dini te probinsya te Asya, ibeg dan metaga-taga kaw te eg-aneng-aneng dan kenyo. Doen heman inikagi i Akilas aw esawa din si Priscila, sipat kedita te otaw egtipon aw egsimba doton te balay dan, te eg-aneng-aneng dan kenyo, so migsebad se pedowan niyo te Pengolo tadon.

Ininang 18:26

Wedà pegketalaw si Apolos te pegtoladà doton te simbahan te Judiyo. Pegdineg i Priscila aw si Akilas kandin, impetaking dan sikandin doton te balay dan amon megtoladà dan kandin te benal kagi te Timanem wedà din ketegahi.

Ininang 11:28

Si Agabo se sebad kandan. Impeikagi sikandin te Espiritu Santo te agpet den domateng se bitil diyà te kedita te ogpeanan. Netoman iyan dalem te peglowan i Claudio doton te Roma.

Ininang 18:18

Nenamay si Pablo mig-ogpà doma te menge otaw egpemenal kidoen te Korinto. Pegkesayo din, timaking heman si Akilas aw esawa din si Priscila. Binolo si Pablo doton te Sengkriya, so yan se pengilala te tinoman din den se pakang din diyà te Timanem. Penga niyan, simakay se telo dan te dakel belangay pesalo doton te Sirya.

Ininang 2:9

Medita se ogpeanan tinikedowan tadon, so doen menge tege Partya, aw tege Medya, aw tege Elam. Doen menge otaw lekat te Mesopotamya, aw Judiya, aw Kapadosya, aw Ponto, aw Asya.

1 Pedro 1:1

Se solat seini lekat kanak si Pedro. Siak se sebad sogounun i Jesu Cristo. Seini se solat ko te kedita niyo menge sakop te Timanem impekadas lekat te kenyo ogpeanan, aw eg-ogpà den doton te menge probinsya te Ponto, Galasya, Kapadosya, Asya, aw Bitinya.

Ininang 27:1

Pegpengibing dan ki Pablo pesalo doton te Italya, simakay kay te dakel belangay. Doen sebad serhinto diyà te menge sondalo iningedanan Gropo Augusto ngadan din si Julio impetonggò i Festo ki Pablo aw menge doma otaw kineleboso.

Ininang 27:6

Netelaan i Julio se sebad pangkò doen dedakel layag meneng wedad katig. Dimateng se pangkò lekat te Alejandriya megpesalo doton te Italya, aw yan se sinekayan day lekat te Mira.

Menge Hebreo 13:24

Indani niyo se kedita te egpengibing te simbahan aw kedita te doma niyo sakop te Timanem te eg-aneng-aneng a heman kandan. Ibeg te menge tege Italya, metaga-taga kaw heman te eg-aneng-aneng dan kenyo.