Ininang 18:12 - Manobo Sarangani

¹² Pegkeinang i Galio gobirnador doton te Gresya, migsebad se menge Judiyo kenà egpemenal, aw dinakep dan si Pablo, aw inibing dan doton ki Galio amon insaen.

Ininang 18:12 ပူးပေါင်းရင်းမြစ်များ

Ininang 18:27

Sagwa neibeg si Apolos domoton te Gresya, migtabang kandin se menge otaw nemenal doton te Efeso. Simolat dan doton te menge otaw dotonan din amon segmanen dan sikandin. Pegdateng din doton te Gresya, mèpiya se pegtabang din te menge otaw nemenal pineokit te tabang te Timanem kandin.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.

Ininang 13:7

Egdoma sikandin te gobirnador te polò sìyan si Sergio Paulo. Ontò biyasa se gobirnador aw impeangay din si Bernabe aw si Saulo, so ibeg din menenalan te kagi te Timanem.

2 Korinto 11:10

Keseligan se kagi i Cristo, aw keseligan heman se kagi ko seini. Pengkey kenan a pesalo, doton kenyo aw doton te kedita te doma lonsod te Gresya, tomanen ko se pakang seini te wedad otaw pemoyoan ko te tabang.

2 Korinto 9:2

so netegahan ko den te meibeg kaw megtabang kandan. Yan se induyun ko kenyo doton te menge otaw egpemenal ki Cristo doton te Masidonya, so doen ibeg niyo megtabang. Inikagi ko kandan kedengan te monà omay, neketagad kaw den kidoen te Gresya memegay te kwarta. Pegketaga-taga dan te meagka se pedowan niyo megtabang, keditaan dan heman meibeg megtabang.

2 Korinto 1:1

Seini se solat ko, si Pablo, doma ki Timoteo, kedowa tadon te pegpemenal. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo menge sakop te Timanem kidoen te Korinto, aw diyà te kedita niyo menge sakop din doton te doma ogpeanan te Gresya.

1 Korinto 16:15

Nayan menge kedowa ko, netegahan niyo te si Estepanos aw pamilya din se tagnà simalig ki Cristo doton te probinsya niyo te Gresya, aw lekat te ibeg te pedowan dan gayed dan egpenabang te menge doma sakop te Timanem. Na, pemoyoen ko den sikiyo

Roma 15:26

so ibeg te menge otaw dini te probinsya te Masidonya aw Gresya, megtabang dan te menge sakop te Timanem nelimahan doton te Jerusalem.

Ininang 25:10

Timaba si Pablo, kagi din, “Seini den se oseyanan te gobirno. Keilangan osayan a dini, so netegahan no den te wedad palos salà ko diyà te menge Judiyo neopal kanak.

Ininang 17:13

Sagwa netaga-taga se menge Judiyo kenà egpemenal doton te Tesalonika te migtoladà si Pablo te kagi te Timanem doton te Berya, dimoton dan heman amon megsamok dan.

Ininang 14:19

Penga niyan, dimateng se menge Judiyo kenà egpemenal lekat te Ikonyo aw Antyokya sakop te Pisidya. Migdeliseg dan te tege Listra, aw yan binontogan dan si Pablo te bato, aw ginoyod dan doton te lowà te lonsod so eden dan aw nematay den.

Ininang 14:2

Meneng doen menge Judiyo wedà pemenal migdeliseg te menge doma otaw kenà Judiyo amon meopal dan heman diyà te menge otaw nemenal.

Mat. 27:19

Dalem te pegpenenoo i Pilato doton te oseyanan, doen otaw insogò te esawa din amon ikeliwat se kagi din, “Ikà eg-inabut te otaw sìyan, so wedad salà din. Ontò nelemitan se pedowan ko tepad kandin pineokit te tegeinep tidelem.”

Santiago 2:6

Meneng eglindoan niyo se otaw sagkep, aw egsegmanen niyo se otaw meyaman. Meneng se menge meyaman, yan se otaw egdagan kenyo, aw egpemeibing heman kenyo doton te howis,

Roma 16:5

Indani niyo heman se kedita te otaw egsimba doton te kandan balay te eg-aneng-aneng a kandan. Indani niyo heman se sigalak ko si Epeneto te eg-aneng-aneng a kandin. Sikandin se tagnà otaw simalig diyà ki Cristo doton te probinsya te Asya.

Ininang 17:5

Meneng miningà se menge Judiyo kenà egpemenal, aw pigtipon dan se menge doma medaet otaw wedad eg-inangen dan. Pegkedita dan, migsamok dan kidoen, aw dimoton dan te balay i Jason amon dekepen dan kidoen si Pablo aw si Silas aw ibingen dan doton te menge otaw netipon.

Ininang 13:12

Pegkità te gobirnador kenyan, ontò neleseb se pedowan din nenenalan te kagi te Pengolo, aw yan nemenal sikandin.

Juan 19:13

Pegdineg i Pilato te kagi dan, inibing din si Jesus doton te lowà te balay, aw nenenoo kidoen te oseyanan iningedanan Gabata te otaw eg-ikagi te Hebreo, meneng se kelebadan niyan, “Tindeganan Bato.”

Ininang 13:8

Meneng migsamok kandin se otaw biyasa egdelikmata si Elimas, so yan se gulal din kagi te Griego. Ibeg din megsagda te gobirnador amon eked sikandin pemenal.

Ininang 18:11

Penga niyan, mig-ogpà si Pablo doton te Korinto lamig te sebad se omay aw enem se bolan, aw migtoladà sikandin te kagi te Timanem diyà te otaw eg-ogpà kidoen.

Ininang 19:21

Penga niyan, ibeg i Pablo domoton te Jerusalem mokit te Masidonya aw Gresya. Minikagi sikandin, “Penga te peggemaw ko doton te Jerusalem, keilangan domeleg a doton te Roma.”

2 Korinto 11:26

Medita se kelimahan neokitan ko te peglegeb. Egbatas a te miglaneg. Egkità a te menge megdedempasay. Doen menge Judiyo aw menge otaw kenà Judiyo ibeg mengimatay kanak. Medita se kelimahan neokitan ko doton te lonsod, aw doton te wedad otaw eg-ogpà, aw diyà te dagat. Pinemilang a heman te otaw egpelingo-lingo te egtaking dan ki Cristo.

1 Tesalonika 2:14

Menge kedowa day, neinang kaw den iling te menge sakop te Timanem egpemenal ki Jesu Cristo doton te Judiya. Pinemilang dan te menge doma dan Judiyo, aw iling kaw kandan so pinemilang kaw heman te menge doma niyo kenà Judiyo.

1 Tesalonika 2:16

so migsagda dan te pegtoladà day te menge otaw kenà Judiyo te mekelowà dan lekat te salà. So egsagda dan te pegtoladà day, egdogangan dan se menge salà dan. Meneng agpet den dan detengan te pelumun te Timanem.