Ininang 17:4 - Manobo Sarangani

⁴ Doen menge Judiyo nemenal aw migpesakop diyà ki Pablo aw si Silas. Nemenal heman se medita otaw kenà Judiyo egsalig diyà te Timanem aw medita heman bayi melangkaw.

Ininang 17:4 ပူးပေါင်းရင်းမြစ်များ

Ininang 17:12

Medita se Judiyo nemenal, aw doen heman menge Griego meama aw bayi melangkaw eleg nemenal.

Ininang 14:4

Meneng wedà pegsebad se pedowan te otaw eg-ogpà kidoen, so doen migpedigsel te menge Judiyo kenà egpemenal, aw doen heman migpedigsel te menge sogounun i Cristo.

Ininang 13:43

Pegkesayo dan, tinekingan dan te medita otaw, menge Judiyo aw menge otaw kenà Judiyo egtolò te ketanem te menge Judiyo. Migpunù si Pablo aw si Bernabe kandan te keilangan somalig dan diyà te Timanem egpenabang kandan.

2 Korinto 8:5

Aneng-aneng ko, kenà dakel se ibegay dan, meneng ontò kedì dakel se imbegay dan. Meneng labi pa mèpiya, so onà dan imbegay diyà te Pengolo se pegkeotawun dan. Penga niyan, migtelaban dan kanak, so yan se ibeg te Timanem kandan.

Ininang 28:24

Doen menge otaw nemenal te inikagi din, aw doen heman doma wedà pemenal.

Ininang 15:22

Penga niyan, migsebad se aneng-aneng te kedita te otaw egpemenal sipat menge sogounun i Cristo aw menge egpengibing te simbahan. Pinemallì dan se dowa otaw tomaking ki Pablo aw si Bernabe domoton te Antyokya. Se pinemallì dan, yan si Silas aw si Judas, se doma ngadan din si Barsabas, so induyun dan te kedita te otaw egpemenal.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.

Ininang 21:28

Migbelobansag dan, kagi dan, “Menge kedomaan day bowad-bowad i Israel, telebani kay. Seini se otaw egtoladà diyà te kedita te otaw te lindoan kidon Judiyo, aw simbahan seini egpenimeneman, aw punù ingkeliwat i Moises. Labi pa medaet se ininang din seini, so inibing din se otaw kenà Judiyo dini didalem te dakel simbahan seini egpenimeneman, pengkey eked iyan kepakay.”

Ininang 19:10

lamig te dowa se omay. Yan netegahan te kedita te otaw kidoen te Asya se kagi te Pengolo. Netegahan iyan te menge otaw Judiyo aw menge otaw kenà Judiyo.

Ininang 18:4

Kelikit te Sebado, gayed egpeinsaay si Pablo te menge otaw doton te simbahan te Judiyo amon doen menge Judiyo memenal aw pengkey kenà Judiyo.

Ininang 17:34

Meneng doen menge doma otaw nemenal te Timanem aw timaking ki Pablo. Yan se sebad obanen kidoen si Dionisio, aw sebad bayi si Damaris, aw menge doma otaw eleg nemenal.

Ininang 17:17

Migpebelaw-belaway si Pablo te menge Judiyo aw menge doma otaw egsalig diyà te Timanem doton te simbahan dan. Kelikit te aldaw, migpebelaw-belaway heman si Pablo te menge otaw netelaan din doton te pedyanan.

Ininang 16:3

Ibeg i Pablo ipetaking din si Timoteo. Yan impetolì din sikandin amon eked kebensihi te menge Judiyo doton te menge lonsod peselowan dan, so netegahan dan te wedà pa ketolì so kenà Judiyo se amay din.

Ininang 15:40

Yan pinemallì i Pablo si Silas tomaking kandin. Migtawal-tawal se menge otaw egpemenal te megtabang se Pengolo kandan te peselowan dan. Penga niyan, nesayo dan.

Ininang 15:32

Nenamay migtoladà si Judas aw si Silas te menge otaw egpemenal, so telekeliwat dan te kagi te Timanem. Inantag dan se pedowan te menge otaw egpemenal amon melobos se pedowan dan diyà te Timanem.

Ininang 15:27

Se pinemallì day isogò doton kenyo, yan si Judas aw si Silas. Sobloden dan se kagi insolat day doton kenyo.

Ininang 14:1

Pegdateng i Pablo aw si Bernabe doton te Ikonyo, dimoton dan te simbahan te Judiyo. Pegtoladà dan kidoen, nemenal se medita otaw Judiyo aw menge doma otaw kenà Judiyo.

Ininang 4:23

Pegkelowà i Pedro aw si Juan, dimoton dan te menge doma otaw egpemenal. In-indan dan se kedita te inikagi te menge pengolo aw obanen te simbahan.

Ininang 2:44

Melikit netipon se menge otaw egpemenal. Sebad se ketig-epoan dan te kedònan dan,

Juan 7:35

Pegdineg te menge obanen te Judiyo kenyan, migpeinsaay dan, “Kenan lay pesalo sikandin te eked tadon kitai? Domoton lay sikandin te mediyò lonsod eg-ogpaan te menge Judiyo nesakop te kenà Judiyo amon megtoladà te menge otaw kenà Judiyo?

Ininang 17:10

Pegkedelem niyan, impekesayo te menge otaw egpemenal si Pablo aw si Silas, aw dimoton dan te Berya. Pegdateng dan doton, dimoton dan te simbahan te Judiyo.

Ininang 17:14

Yan impekesayo te menge otaw egpemenal si Pablo pesalo doton te dagat. Meneng si Silas aw si Timoteo mig-ogpà pa doton te Berya.