Ininang 17:32 - Manobo Sarangani

³² Pegdineg dan te doen neantay lekat te nematay, doen menge otaw nebebayat aw migtompuyus. Meneng minikagi se menge doma, “Toledai kay todà te modi aldaw.”

Ininang 17:32 ပူးပေါင်းရင်းမြစ်များ

Ininang 26:8

Ikà niyo eg-aneng-aneng te eked pekebatog se Timanem meg-antay te otaw lekat te nematay.

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

2 Korinto 6:2

Doen inikagi te Timanem, “Pegdateng te aldaw tapay pinemallì ko, impekità ko se keido ko kamno, aw tinebangan ta te pegkelowà nikaw.” Eneng-enengi niyo den ini. Seini den se aldaw tapay pinemallì te Timanem. Seini den se aldaw te pegpelowà te Timanem te menge otaw lekat te salà.

Ininang 25:19

Meneng kenà, so ibeg dan olò megdindil tepad te ketanem dan aw tepad te sebad otaw nematay si Jesus, meneng minikagi si Pablo te neantay lekat te nematay.

Ininang 24:25

Migtoladà heman si Pablo te keilangan metòlid se eg-inangen te otaw, aw megtameng te ibeg te pedowan, aw doen kwani aldaw meg-okom se Timanem te kedita te otaw. Pegtoladà i Pablo kenyan, ontò nelemitan si Felis aw minikagi, “Botongi den se pegtoladà nikaw. Aw doen aldaw, todà ta engayen.”

Ininang 2:13

Meneng doen heman menge doma otaw migtompuyus, kagi dan, “Nelangot dan te bino.”

1 Korinto 4:10

Pengkey wedad ekon inenengen day so egtaking kay ki Cristo, meneng aneng-aneng niyo doen inenengen niyo so egtaking kaw ki Cristo. Pengkey wedad ekon mebatog day inangen, meneng aneng-aneng niyo mebatog niyo inangen se kedita pengkey eden. Sikiyo se nedengeg, meneng sikami se eglindoan.

Ininang 17:31

so tapay den pinemallì te Timanem se aldaw te peg-okom te kedita te otaw. Doen den pinemallì din meg-okom, aw metòlid se peg-okom din. Metoman iyan, so inantay sikandin te Timanem lekat te nematay.”

Luc. 14:18

Meneng mig-eked se kedita dan. Doen otaw minikagi, ‘Minayad a den te tanà, aw keilangan domoton a amon tomengteng a kenyan. Keidowi a bag, so eked a peketanod.’

1 Korinto 1:23

Meneng se ipegtoladà day, yan se kebenalan tepad ki Cristo inlansang diyà te kros, pengkey egkebensi se menge Judiyo kenyan, aw eg-aneng-aneng se menge Griego te wedad ontong niyan.

Ininang 13:41

‘Sikiyo menge otaw egtompuyus, peg-ahà kaw. Mepela kaw aw ipelumun ko sikiyo, so pengkey doen kepelahan inangen ko diyà kenyo, meneng eked kaw pa pemenal pengkey indanan kaw te doma otaw.’”

Menge Hebreo 13:13

Yan, impelowà kidon den lekat te menge punù ingkeliwat i Moises. Keilangan tenanan tadon se kedita niyan aw tomaking kidon te Pengolo tadon nematay doton te lowà te lonsod. Keilangan eked kidon kelemitan aw pemilangen kidon tandà te pegtaking tadon kandin, so pinemilang heman sikandin.

Menge Hebreo 11:36

Doen heman menge doma otaw simalig diyà te Timanem nebebeyatan aw binadas te doma otaw. Ginapos se menge doma te sengkalì, aw kineleboso dan.

Luc. 23:36

Migtompuyus heman se menge sondalo kandin. Dimoton dan kandin amon ipeinem dan kandin se bino sinengedan te wayeg.

Luc. 23:11

Gayed nebebayat si Herod aw kedita te sondalo din, aw migpelingo-lingo dan te pegsagman dan kandin iling te pegsagman dan te selotan. Penga niyan, pineseolan i Herod si Jesus te ontò mèpiya saol iling te ekasan te selotan, aw impelikò din doton ki Pilato.

Luc. 22:63

Nayan, se otaw migtonggò ki Jesus, gayed dan nebebayat kandin aw nemadas dan kandin.

Genesis 19:14

Yan nesayo si Lot aw dimoton sikandin te salà te dowa batà din bayi, aw minikagi sikandin, “Ayas kaw den kesayo lekat dini, so pegbàtan den te Timanem se lonsod seini.” Meneng eden dan aw kebawol din iyan.

Ininang 17:33

Penga niyan, nesayo si Pablo.

1 Korinto 15:12

Nayan, so migtoladà kay te inantay te Timanem si Cristo lekat te nematay, eked kepakay aw doen kidoen kenyo mikagi te eked palos keantay se otaw nematay.