Ininang 16:9 - Manobo Sarangani

⁹ Pegdateng dan doton, doen impekità te Timanem diyà ki Pablo te delem. Kinità din iling te bawa te otaw tege Masidonya nemoyò, kagi din, “Ayas ka diyà te Masidonya aw tebangi kay.”

Ininang 16:9 ပူးပေါင်းရင်းမြစ်များ

Ininang 19:21

Penga niyan, ibeg i Pablo domoton te Jerusalem mokit te Masidonya aw Gresya. Minikagi sikandin, “Penga te peggemaw ko doton te Jerusalem, keilangan domeleg a doton te Roma.”

Ininang 18:5

Meneng pegdateng i Silas aw si Timoteo lekat te Masidonya, yan gayed den migtoladà si Pablo te menge Judiyo te kagi te Timanem te kelikit te aldaw, aw se intoladà din kandan, si Jesus se Misiyas insogò te Timanem.

Roma 15:26

so ibeg te menge otaw dini te probinsya te Masidonya aw Gresya, megtabang dan te menge sakop te Timanem nelimahan doton te Jerusalem.

Ininang 20:1

Pegkepenga te samok doton te Efeso, migtipon si Pablo te menge otaw egpemenal. Inantag din se pedowan dan, aw simabi kandan te mesayo den sikandin. Penga niyan, dimoton si Pablo te Masidonya.

1 Tesalonika 4:10

aw netegahan day te dakel se pedowan niyo diyà te kedita te doma otaw egpemenal doton te kebelad te probinsya te Masidonya. Meneng menge kedowa day, ibeg day gayed niyo pedekelen se pedowan niyo kandan.

2 Korinto 12:7

Ibeg te Timanem, eked a pegpelangkaw-langkaw tandà te kedita te impekità din kanak. Pinebeyaan te Timanem se sebad sogounun i Satanas memegay kanak te kelimahan eked keabat, amon eked a pegpelangkaw-langkaw.

2 Korinto 11:9

Peg-ogpà ko kidoen kenyo, pengkey doen puluk ko, meneng wedà a pemoyò diyà kenyo, so se menge kedowa tadon nemenal doton te Masidonya, yan se nengibing te intogpò kanak. Wedà a palos pemoyò diyà kenyo, aw ibeg ko eked a palos pemoyò te tabang diyà kenyo.

2 Korinto 9:2

so netegahan ko den te meibeg kaw megtabang kandan. Yan se induyun ko kenyo doton te menge otaw egpemenal ki Cristo doton te Masidonya, so doen ibeg niyo megtabang. Inikagi ko kandan kedengan te monà omay, neketagad kaw den kidoen te Gresya memegay te kwarta. Pegketaga-taga dan te meagka se pedowan niyo megtabang, keditaan dan heman meibeg megtabang.

2 Korinto 8:1

Na, menge kedowa ko, ibeg ko ipetaga-taga kenyo se ininang te menge otaw egpemenal ki Cristo kidoen te Masidonya, so pineokit te tabang te Timanem, mèpiya se ininang dan.

2 Korinto 7:5

Kedengan, pegdateng ko doton te Masidonya, netetana se pedowan ko so wedà pa dateng si Tito lekat kidoen kenyo. Gayed a nelimahan so migdindil se doma otaw, aw netetana a heman tepad kenyo.

Ininang 20:3

mig-ogpà kidoen te telo se bolan. Sagwa agpet den somakay si Pablo te dakel belangay pesalo doton te Sirya, doen ekon menge Judiyo kenà egpemenal mengimatay kandin. Yan minipanaw si Pablo limikò doton te Masidonya.

Ininang 10:30

Minikagi si Cornelio, “Netelowan pa, migtawal-tawal a diyà te Timanem te alas tris te meapon. Pegketà migpekità diyà kanak se anghil nenaol te mepotì,

Ininang 10:3

Menge alas tris te meapon, doen kinità din ontò melowa. Migpekità diyà kandin se anghil te Timanem aw minikagi, “E Cornelio.”

Ininang 9:38

Pegketaga-taga te menge otaw egpemenal te kidoen si Pedro te Lida, insogò dan se dowa otaw amon mangay kandin, so kenà mediyò se Jopa kidoen te Lida. Minikagi dan ki Pedro, “Ayas ka doton te Jopa.”

Ininang 16:10

Penga niyan, nengemahà kay te sekayan day pesalo doton te Masidonya, so netegahan day te insogò kay te Timanem doton kandan amon megtoladà kay kandan te Mèpiya Indan tepad ki Jesus.

Ininang 16:12

Lekat kidoen, minipanaw kay doton te Filipos. Yan se ontò dakel lonsod doton te Masidonya, aw sakop te Roma se menge otaw eg-ogpà kidoen. Nenamay-namay kay mig-ogpà kidoen.

Ininang 19:22

Insogò din se dowa otaw migtabang kandin si Timoteo aw si Erasto domoton te Masidonya, meneng nenamay-namay mig-ogpà pa si Pablo kidoen te probinsya te Asya.

Ininang 19:29

Nesamok se kedita te otaw eg-ogpà kidoen. Inewidan dan se otaw timaking ki Pablo lekat te Masidonya si Gayo aw si Aristarco. Intolod dan doton te tiponanan te otaw.

Ininang 27:2

Timaking heman kenami si Aristarco tege Tesalonika sakop te Masidonya. Doen dakel belangay dimateng lekat te Adramito megpesalo doton te menge lonsod te Asya, aw yan se sinekayan day lekat te Sesarya.