Ininang 16:5 - Manobo Sarangani

⁵ Yan nelobos se pegsalig te menge otaw egpemenal te Timanem, aw doen heman menge doma otaw nemenal te Timanem te kelikit te aldaw.

Ininang 16:5 ပူးပေါင်းရင်းမြစ်များ

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Ininang 2:47

Gayed dan ipegduyun se Timanem. Sinagman dan te menge doma otaw. Kelikit te aldaw, dinogangan te Pengolo se otaw nemenal.

Ininang 6:7

Penga niyan, gayed in-indan se kagi te Timanem doton te menge doma ogpeanan. Migkedita se otaw nemenal doton te Jerusalem, aw medita heman se pengolo te simbahan te Judiyo nemenal.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Ininang 15:41

Tineped dan se menge lonsod doton te probinsya te Sirya aw Silisya. Inantag dan se pedowan te menge otaw egpemenal amon melobos se pedowan dan diyà te Timanem.

Kolasas 2:6

Pegpemenal niyo ki Jesu Cristo, neinang sikandin Pengolo niyo, aw yan keilangan tomaking kaw kandin te kelikit te aldaw.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

Roma 16:25

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii.

Ininang 12:24

Medita se otaw inindanan te kagi te Timanem, aw migkedita se otaw egpemenal.

Menge Hebreo 13:9

Aw doen otaw megtoladà kenyo te sebad kemolò toladà kenà iling te kebenalan tapay intoladà diyà kenyo, ikà niyo egpemenal kenyan. Pineokit te tabang te Timanem, melobos se pegsalig tadon diyà kandin. Eked kelobos se pegsalig tadon diyà kandin pineokit te pegtolò tadon te menge punù ipegtoladà dan tepad te kànen tadon, so kenà egketebangan se menge otaw egtolò te menge punù sìyan.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

1 Tesalonika 3:13

Yan lobosen din se pedowan niyo kandin, aw wedad palos isila te Amay tadon Timanem kenyo te aldaw te peglikò te Pengolo tadon si Jesu Cristo tekingan te kedita te sakop te Timanem.

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,

Galasya 5:1

Wedà kidon den keallang te punù ingkeliwat i Moises, so impelowà kidon den i Cristo lekat kidoen. Ikà niyo egkelibel kenyan. Ikà niyo heman todà egpeallang.

Ininang 11:21

Migtabang se Pengolo kandan, aw medita se otaw nemenal aw timolò te Pengolo.

Ininang 5:14

Migkedita se otaw nemenal diyà te Pengolo. Doen meama aw bayi heman nekeakop diyà te otaw egpemenal ki Jesus.

Ininang 4:4

Meneng nemenal se medita otaw nenenalan ki Pedro aw si Juan. Menge lima melalan se kedita te otaw nemenal, sipat sìyan otaw tapay nemenal.