Ininang 16:3 - Manobo Sarangani

³ Ibeg i Pablo ipetaking din si Timoteo. Yan impetolì din sikandin amon eked kebensihi te menge Judiyo doton te menge lonsod peselowan dan, so netegahan dan te wedà pa ketolì so kenà Judiyo se amay din.

Ininang 16:3 ပူးပေါင်းရင်းမြစ်များ

Galasya 2:3

Minikagi se kedita te sogounun i Cristo te metòlid se intoladà ko diyà te menge otaw kenà Judiyo. Pengkey kenà Judiyo se doma ko si Tito, meneng wedà legesi te menge sogounun i Cristo se pegtolì kandin tepad te punù ingkeliwat i Moises.

1 Korinto 9:20

Seini se eg-inangen ko. Aw menge Judiyo se toledaan ko, egtoloen ko se ketanem dan amon memenal dan te kebenalan itoladà ko. Pengkey netegahan ko te mepakay aw eked ketolò se punù ingkeliwat i Moises, meneng egtoloen dan se menge punù sìyan, aw yan tomolò a heman kenyan amon memenal se menge Judiyo te kebenalan itoladà ko tepad ki Cristo.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Galasya 2:8

Migtabang se Timanem ki Pedro te pegtoladà din doton te menge otaw Judiyo, aw tinebangan a heman te Timanem te pegtoladà ko te menge otaw kenà Judiyo.

1 Korinto 7:19

Pengkey tolien se otaw aw eked tolii, kenà niyan se meelagà diyà te Timanem, meneng yan se meelagà aw toloen tadon se punù te Timanem kenitadon.

Ininang 15:40

Yan pinemallì i Pablo si Silas tomaking kandin. Migtawal-tawal se menge otaw egpemenal te megtabang se Pengolo kandan te peselowan dan. Penga niyan, nesayo dan.

Ininang 15:37

Ibeg i Bernabe ipetaking dan si Juan, se doma ngadan din si Marcos.

Ininang 15:20

Meneng mèpiya aw olò kidon somolat kandan aw megpunù kidon te eked dan kaen te pengelapen tapay imbegay diyà te inotaw, aw ayam-ayam egpelengen aw dipanog, aw eked dan heman peg-inabut te kenà kandan esawa.

Filipos 2:22

Meneng netegahan niyo den te egkeseligan si Timoteo, so iling te pegtelaban te batà te amay din se pegtelaban i Timoteo kanak te pegtoladà ko te Mèpiya Indan tepad ki Cristo.